Jéhovah ayeke pensé ande nyen?

Kozo ti mû akete desizion wala akota ni, eskê e yeke hunda ka terê ti e: ‘Jéhovah ayeke pensé ande nyen?’ Atâa so e hinga ye oko na ndö ti pensé ti Jéhovah ape, lo fa na e aye mingi na yâ ti Bible ti wara ye kue so e bezoin ni ti sara na “nzoni kusala kue.” (2Tm 3:16, 17; aRm 11:33, 34). Jésus ahinga polele ye so bê ti Jéhovah aye nga lo sara si aga ye so ayeke kota mingi na yâ ti fini ti lo (Jn 4:34). Na mungo tapande ti Jésus, zia e sara ye kue so e peut ti sara ti mû adesizion so anzere na Jéhovah.—Jn 8:28, 29; aÉp 5:15-17.

BÂ VIDÉO NGBÂ TI GI TI HINGA YE SO BÊ TI JÉHOVAH AYE (LÉ 19:18), NA PEKONI, KIRI TËNË NA AHUNDA SO:

• Ngbanga ti nyen la a lingbi e sara ye alingbi na amama-ndia ti Bible na yâ ti fini ti e?

• Amama-ndia ti Bible wa la a lingbi ti mû maboko na e ti soro abia so e ye?

• Amama-ndia ti Bible wa la a lingbi ti mû maboko na e ti soro bongo ti yungo ni nga na fason ti lekengo terê ti e pendere?

• Na yâ ti ambeni ye wa la a lingbi e sara ye alingbi na amama-ndia ti Bible?

• Nyen la e lingbi ti sara ti gi ti hinga nzoni ye so bê ti Jéhovah aye?