Mo bâ Tënë ti Nzapa na nene ni mingi?

Na yâ ti Bible, a yeke wara apensé nga na atënë ti Jéhovah Nzapa, Lo so mbeti ni alondo na lo (2Pi 1:20, 21). Bible amû na azo ti dunia kue beku so pendere gigi aga nduru ti si awe na fango na gigi droit so Jéhovah ayeke na ni ti komande dunia kue na lege ti Royaume ti lo. Bible afa nga anzoni sarango ye ti terê ti Jéhovah, Babâ ti e ti yayu.—Ps 86:15.

Ndali ti araison nde nde, e oko oko e bâ na nene ni Tënë ti Jéhovah. Me, e yeke fa so e bâ na nene ni pendere cadeau so na dikongo ni lakue nga na sarango ye alingbi na ni na yâ ti fini ti e? Zia asarango ye ti e afa so tënë ti bê ti e ague oko na ti wasungo psaume, so a tene: “Mbi ye ndia ti mo mingi!”—Ps 119:97.

BÂ VIDÉO ALA BÂ BIBLE NA NENE NI MINGI​—MBENI MBAGE TI VIDÉO NI (WILLIAM TYNDALE), NA PEKONI KIRI TËNË NA AHUNDA SO:

• 

  William Tyndale atraduire ambage ti Bible ngbanga ti nyen?

• Ngbanga ti nyen la angangu so lo sara ti traduire Bible ahon gbungo li ti zo?

• Tongana nyen la acopie ti Bible ti Tyndale asi na Angleterre?

• Tongana nyen la e oko oko kue e lingbi ti fa so e bâ Bible na nene ni mingi?