Sepela Jéhovah na mungo kua ti pionnier

Azo ti Israël ayeke lani na akpengba raison ti sepela Jéhovah. Lo sigi lani na ala na kodro ti Égypte nga lo zi ala na maboko ti aturugu ti Pharaon (Ex 15:1, 2). Jéhovah angbâ lakue ti sara ye ti nzoni ndali ti azo ti lo. Tongana nyen la e lingbi ti fa singila ti bê ti e?—Ps 116:12.

Mbeni lege ti sara ni ayeke ti mû kua ti pionnier auxiliaire wala permanent. Mo lingbi ti sambela ti wara nzara nga na ngangu ti mû kua ti pionnier (aPh 2:13). Aita mingi ayeke to nda ni na kua ti pionnier auxiliaire. Tongana mo yeke pionnier auxiliaire, mo lingbi ti soro ti fa tënë l’heure 30 wala 50 na nze ti mars na avril, nga na ngoi ti vizite ti surveillant ti circonscription. Na peko ti so mo bâ so mo wara ngia na mungo kua ti pionnier auxiliaire, peut-être mo yeke sara ande ngangu ti mû kua ti pionnier permanent. Même ambeni ita so ayeke sara kua ti nginza wala so ayeke na kpale ti seni alingbi ti mû kua ti pionnier permanent (mwb16.07 l. 8). Ti tâ tënë ni, Jéhovah alingbi biani ti tene e sara ngangu kue ti sepela lo!—1Ch 16:25.

BÂ VIDÉO AITA TI WALI OTA NA MONGOLIE, NA PEKONI KIRI TËNË NA AHUNDA SO:

• 

  Akpale wa la aita ti wali ota so ahon ndö ni ti mû kua ti pionnier?

• 

  Aye ti nzoni wa la ala wara?

• 

  Akua wa la ala wara pasa ti sara na Jéhovah ndali ti so ala mû kua ti pionnier permanent?

• 

  Tapande ti ala asara nyen na ndö ti ambeni zo?