Hange, kangbi atënë ti mvene ape

Laso, asango ayeke si hio na azo kutu mingi na lege ti ambeti, radio, télévision, nga na Internet. Azo so avoro “Nzapa ti tâ tënë” ayeke yeda ape ti kangbi asango ti mvene, même tongana ala sara ni na mbana ape (Ps 31:5; Ex 23:1). Atënë ti mvene so a tene peko ni na ambeni zo alingbi ti ga na kota kpale. Tongana mo yeke gi ti bâ wala mbeni tënë ayeke tâ tënë, hunda terê ti mo:

• ‘Tënë ni alondo na ndo so zo apeut ti sara confiance na ni?’ Peut-être zo so afa peko ti ye ni ahinga aye kue so asi ape. Tongana mbeni zo atene peko ti mbeni tënë na mbeni zo tënë ni alingbi ti changé; ni la, sara hange na ngoi so mo hinga pëpe ndo so tënë ni alondo dä. So aita so ayeke na akua na yâ ti congrégation ayeke azo so a sara confiance na atënë ti ala, ala doit ti sara hange si ala kangbi pëpe atënë so gere ni aluti ape

• Eskê tënë ni ayeke pango ndo?’ Tongana tënë ni ayeke buba iri ti mbeni zo wala groupe ti azo, e doit ti tene peko ni na mbeni zo ape.—aPr 18:8; aPh 4:8

• ‘Eskê tënë ni ayeke tâ tënë?’ Sara hange na mbeni tënë so mo mä, so atënë ti yâ ni anzere na mo mingi wala apika bê ti zo

BÂ VIDÉO TONGANA NYEN LA MBI PEUT TI KPE KPERE-KPERE? NA PEKONI, KIRI TËNË NA AHUNDA SO:

• 

  Ti gue oko na aProverbe 12:18, tënë so zo atene apeut ti ga na kpale wa?

• 

  Tongana nyen la aPhilippien 2:4 amû maboko na e ti duti na nzoni bango ndo tongana e yeke sara tënë na ndö ti ambeni zo?

• 

  Nyen la e doit ti sara na ngoi so mbeni lisoro atourné aga mbeni sioni tënë na ndö ti ambeni zo?

• 

  Kozo ti sara tënë na ndö ti azo, aquestion wa la e doit ti hunda terê ti e na ni?