Amaseka: Jéhovah la ayeke kota Kamarade ti ala?

Anzoni sarango ye wa la mo ye ti tene mbeni kamarade ti mo aduti na ni? Peut-être mo ye lo duti zo so ayeke be-ta-zo, so asara nzoni bê na zo wala so amû ye na zo. Jéhovah ayeke na asarango ye so kue (Ex 34:6; Kus 14:17). Tongana mo sambela lo, lo yeke mä mo. Lo yeke mû maboko na mo na ngoi so mo yeke na bezoin ni (Ps 18:19, 35). Lo yeke pardonné afaute ti mo (1Jn 1:9). Jéhovah ayeke biani tâ nzoni Kamarade!

Nyen la mo peut ti sara ti duti kamarade ti Jéhovah? Diko Bible nga fa atënë ti bê ti mo kue na lo (Ps 62:8; 142:2). Fa na Jéhovah so aye so ayeke kota na lê ti lo ayeke nga kota ye na lê ti mo, aye tongana Molenge ti lo, Royaume ti lo nga na azendo so lo mû ndali ti kekereke. Fa tënë ti lo na ambeni zo (De 32:3). Tongana mo gi ti duti kota Kamarade ti Jéhovah, lo yeke duti kamarade ti mo teti lakue lakue.—Ps 73:25, 26, 28.

BÂ VIDÉO AMASEKA: ‘ALA TARA NA ALA BÂ TONGANA NYEN LA JÉHOVAH AYEKE NZONI’, NA PEKONI KIRI TËNË NA AHUNDA SO:

• 

  Mo lingbi ti mû terê ti mo na Nzapa tongana nyen? Na nyen la mo lingbi ti sara ti wara batême?

• 

  Aita ti congrégation apeut ti aidé mo tongana nyen ti sara na Jéhovah?

• 

  Fango tënë apeut ti kpengba songo ti mo na Jéhovah tongana nyen?

• 

  Akua wa la mo peut ti sara na yâ ti bungbi ti Jéhovah?

• Nyen la anzere na mo na mbage ti Jéhovah nyen?