Ababâ na amama, ala fa na amolenge ti ala ye so ala doit ti hinga

E yeke na yâ ti mbeni dunia so azo ni afa nzoni ye tongana sioni ye, na sioni ye tongana nzoni ye (És 5:20). Mawa ni ayeke so, ambeni zo asara ye so Jéhovah ake ni, na popo ni a yeke wara sioni sarango ye tongana bungbingo koli na koli wala wali na wali. Na ekole, amba ti amolenge ti e, wala ambeni zo nde alingbi ti pusu ala ti sara ye tongana ala. Tongana nyen la mo lingbi ti leke amolenge ti mo ti gbu lê ti kpale so nga na mara ti atara so nzoni?

Fa na amolenge ti mo andia ti Jéhovah (Lé 18:3). Fa na ala alingbi na ngu ti ala ye so Bible atene na ndö ti bungbingo koli na wa li (De 6:7). Hunda terê ti mo: ‘Eskê mbi fa na amolenge ti mbi nzoni lege ti fa yengo terê? Ndani so a yeke kota ye ti yü bongo nzoni, nga ti tene azo andu ambage ti terê ti ala kirikiri ape? Amolenge ti mbi ahinga ye so ala doit ti sara tongana mbeni zo agi ti fa na ala porno, wala a hunda na ala ti sara mbeni ye so Jéhovah ake ni?’ Tongana ala hinga ni kozo, a yeke aidé ala ti kpe akpale mingi (aPr 27:12; Zo 7:12). So mo yeke fa ye na amolenge ti mo, mo fa so mo ye pendere héritage so Jéhovah amû na mo.—Ps 127:3.

BÂ VIDÉO LEKE MBENI DA SO AYEKE NINGA—BATA AMOLENGE TI MO YONGORO NA “YE SO AYEKE SIONI”, NA PEKONI KIRI TËNË NA AHUNDA SO:

• 

  Ngbanga ti nyen la ambeni zo asara kamene ti fa ye na amolenge ti ala na ndö ti bungbingo koli na wali?

• 

  Ngbanga ti nyen la ababâ na amama adoit ti fa ye na amolenge ti ala alingbi “na wango ti gbotongo mê so alondo na Jéhovah”?—aÉp 6:4.

• 

  Nyen la bungbi ti Jéhovah amû ti aidé ababâ na amama ti fa ye na amolenge ti ala na ndö ti tënë ti bungbingo koli na wali?—w19.05 l. 12, encadré

• Ngbanga ti nyen la a lingbi mo sara lisoro lakue na amolenge ti mo kozo si ala tingbi na akota kpale?