Mû maboko na azo so ayeke manda Bible ti hon ndö ti asioni sarango ye

Gï azo so ayeke na nzoni sarango ye la apeut ti duti na kpengba songo na Jéhovah (1Pi 1:14-16). Tongana azo so ayeke manda Bible ahon ndö ti asioni sarango ye, ala yeke wara ngia na yâ ti sewa ti ala, ala yeke duti na nzoni seni nga ala yeke buba nginza ti ala kirikiri ape.

Fa na ala polele andia ti Jéhovah na ndö ti anzoni sarango ye, ndani so lo lu andia ni nga ndani so a yeke nzoni ti sara aye so lo hunda. Gi ti aidé ala ti changé fason so ala yeke pensé na ni, tongaso si ala lingbi ti sara ye so Jéhovah aye (aÉp 4:22-24). Dë bê ti ala so na aide ti Jéhovah ala peut ti hon ndö ti asioni sarango ye so ala sara teti angu mingi (aPh 4:13). Fa na ala ti voro terê na Jéhovah ti aidé ala na ngoi so nzara ti sarango sioni ye aga ngangu na bê ti ala. Aidé ala ti hinga aye so apeut ti ga na ala tara nga ti kpe ni. Wa ala ti changé asioni sarango ye ti ala na anzoni sarango ye. Mo yeke duti na ngia na ngoi so azo so mo yeke manda Bible na ala asara achangement grâce na Jéhovah.

BÂ VIDÉO MÛ MABOKO NA AZO SO MO YEKE MANDA BIBLE NA ALA TI HON NDÖ TI ASIONI SARANGO YE, NA PEKONI KIRI TËNË NA AHUNDA SO:

• 

  Tongana nyen la a-ancien nga na Neeta afa so ala yeke na confiance na Jenny?

• 

  Tongana nyen la Neeta akiri a-aidé Jenny?

• 

  Tongana nyen la Jenny agi mungo maboko ti Jéhovah?