Mû maboko na azo so amanda Bible ti gi ti duti na nzoni songo na Jéhovah

Jéhovah aye si ndoye la apusu e ti voro lo (Mt 22:37, 38). Ndoye so a-étude ti e ayeke na ni ndali ti Nzapa la ayeke mû ngangu na ala ti sara achangement so ala bezoin ni nga ti luti ngangu na lê ti atara (1Jn 5:3). Ndoye ti ala ndali ti Nzapa la ayeke pusu ala ti wara batême.

Aidé a-étude ti mo ti bâ so Nzapa andoye ala. Hunda atënë tongana: “Ye so afa na mo nyen na ndö ti Jéhovah?” wala “Tongana nyen la ye so afa so Nzapa andoye mo?” Aidé ala ti bâ tongana nyen la Jéhovah ayeke aidé ala (2Ch 16:9). Fa na ala ambeni tapande ti fason so Jéhovah akiri tënë na ambilimbili sambela ti mo, nga wa ala ti bâ fason so Jéhovah ayeke kiri tënë na asambela ti ala. A yeke nzere na e mingi tongana e bâ so a-étude ti e asentir so Jéhovah andoye ala na ala fa so ala ye lo nga ala ye ti ga kamarade ti lo.

BÂ VIDÉO MÛ MABOKO NA AZO SO MO YEKE MANDA BIBLE NA ALA TI GI TI DUTI NA NZONI SONGO NA JÉHOVAH, NA PEKONI KIRI TËNË NA AHUNDA SO:

• 

  Kpale wa la Jenny awara?

• 

  Tongana nyen la Neeta a-aidé Jenny?

• 

  Tongana nyen la Jenny ahon ndö ti kpale ni?