Gue na ndo so bezoin ti awafango tënë ayeke dä mingi

Mo bezoin mabe ti zia ndo ti mo ti gue na mbeni fini ndo ti fa tënë mingi ahon ti kozo (aHb 11:8-10). Tongana mo yeke pensé ti gue na mbeni ndo so bezoin ti awafango tënë ayeke dä mingi, sara tënë ni na a-ancien ti mo. Aye wa la mo peut ti sara ti hinga wala mo peut ti si na ye so mo zia na gbele mo so, nga ti soro mbeni ndo? Gi ti bâ aye so ambeti ti e atene na ndö ti fango tënë na ndo so bezoin ti awafango tënë ayeke dä mingi. Sara lisoro na aita so awara lege nzoni ti mû maboko na ambeni congrégation (aPr 15:22). Gi fango lege ti Jéhovah na lege ti sambela (Jac 1:5). Gi ti hinga nzoni ndo kue so mo pensé na ni, nga tongana lege ayeke dä, sara vizite ti ndo ni teti ngoi mingi me gï teti akete lango ape kozo ti mû desizion.

BÂ VIDÉO NA MABE LÏ NA YANGA-DA TI KUSALA SO AZI NA MO: GUE NA NDO SO BEZOIN TI AWAFANGO TËNË AYEKE DÄ MINGI, NA PEKONI KIRI TËNË NA AHUNDA SO:

• Achangement wa la Gabriel adoit ti sara? Nyen la amû maboko na lo?