Duti na confiance so mo peut ti gbu ngangu na yâ ti kpale ti nginza

Akpale mingi asi na azo na lâ ti nda ni so. So e pusu nduru mingi na hunzingo ti aye ti ngoi so, akpale ayeke gue na li ni guengo. E peut ti tingbi na kpale ti warango ambeni ye na lege ti mitele (Hab 3:16-18). Nyen la ayeke aidé e ti duti na confiance so e peut ti gbu ngangu na yâ ti kpale ti nginza? E doit ti ngbâ ti sara confiance na Jéhovah Nzapa. Lo mû zendo ti bâ lege ti awakua ti lo, na lo peut ti bâ lege ti e na yâ ti aye kue.—Ps 37:18, 19; aHb 13:5, 6.

Ye so mo peut ti sara:

• Voro yanga na Jéhovah ti fa lege na mo, ti mû na mo ndara nga ti aidé mo.—Ps 62:8

• Duti nduru ti yeda ti sara akua so peut-être ade mo sara kozo ape.—g-F 1/10 l. 8-9, a-encadré

• Ngbâ ti sara aye so mo yeke sara ka ti kpengba songo ti mo na Jéhovah, so andu dikongo Bible lâ oko oko, guengo na abungbi nga mungo mbage na fango tënë

BÂ VIDÉO LEKE MBENI DA SO AYEKE NINGA—‘ZIA BÊ TI MO GÏ NA NDÖ TI AYE SO MO YEKE NA NI’ NA PEKONI KIRI TËNË NA AHUNDA SO:

• Akpale wa la ambeni sewa awara?

• Nyen la ayeke kota ye mingi na yâ ti gigi ti zo?

• Tongana nyen la e peut ti aidé azo so ayeke na kpale ti nginza?