Eskê Nzapa ayeke mä asambela ti mo?
Tongana mo yeke sambela, eskê mo yeke pensé biani so Nzapa ayeke mä mo?
BIBLE ATENE TI LO NYEN?
Nzapa ayeke mä mo. Bible atene na e so “Jéhovah ayeke nduru na azo kue so ayeke iri lo, azo kue so ayeke iri lo na bê ti ala kue. . . . Lo mä toto so ala toto na lo ti mû maboko na ala.”—Psaume 145:18, 19.
Nzapa aye si mo sambela lo. Bible atene: “Na yâ ti aye kue, na lege ti sambela, na lege ti vorongo terê na Nzapa nga na sambela ti kiringo singila, ala hunda na Nzapa aye so agbu bê ti ala.”—aPhilippien 4:6.
Nzapa ayeke bi bê na mo biani. Nzapa ahinga akpale ti e nga lo hinga agingo bê ti e, na lo ye ti aidé e. Bible atene: “Ala mû agingo bê ti ala kue ala bi ni na ndö ti lo, ngbanga ti so lo yeke bi bê ti lo na ndö ti ala.”—1 Pierre 5:7.