Azo ayeke na confiance na azo ti poroso ape: Bible atene nyen na ndö ni?

Na yâ ti ngu 2024 ayeke sara ande élection na ando nde nde na yâ ti dunia. Ye oko, azo mingi ayeke na confiance na azo ti poroso ape.

• Mingi ti azo so ahunda tënë na ala na Amérique atene so “mingi ti azo ti poroso ayeke pensé gï na ala wani ahon ti pensé na azo.a—Pew Research Center, 19 septembre 2023.

Gbâ ti amaseka ayeke na confiance na azo ti poroso ape.

• “Amaseka aye mingi ti leke akpale, me na ngoi so a hunda tënë na ala, mingi ti ala atene so azo ti poroso amû na ala pëpe aye so ala yeke na bezoin ni.”—The New York Times, 29 janvier 2024.

• “Mbeni gingo nda ti ye afa so amaseka ayeke na confiance na azo so iri ti ala awu so ayeke posté avidéo na ndö ti areseaux sociaux, me ala yeke na confiance na azo ti poroso ape.”—The Korea Times, 22 janvier 2024.

Eskê e peut ti sara confiance na azo ti poroso ti tene ala sara si gigi ti e ti kekereke aga nzoni? Zo wa la e peut ti sara confiance na lo?

Sara hange na zo so mo yeke sara confiance na lo

Azo ayeke na raison ti sara hange na azo so ala yeke sara confiance na ala. Bible atene so “zo so lê ti lo ahan pëpe amä na bê na tënë kue, me zo so lê ti lo ahan agbu li kozo si lo bi gere ti lo.”—aProverbe 14:15.

• Ti hinga wala mbeni sango ayeke tâ tënë wala pëpe, diko article “Protégez-vous de la mésinformation.”

Na ndö ni, même azo ti poroso so ayeke gi ti sara ye na lege ni nga so ayeke na nzoni bibe ayeke na alimite na yâ ti aye so ala peut ti sara. Ndani la Bible atene:

• “Ala azo, ala zia bê ti ala na ndö ti amokonzi pëpe; amokonzi ayeke asenge zo, ala lingbi ti sö zo pëpe.”—Psaume 146:3, Mbeti ti Nzapa, Tënë so amu fini.

Mbeni zo so mo peut ti sara confiance na lo

Bible afa so Nzapa asoro mbeni gbia so ayeke capable nga so e peut ti sara confiance na lo, Gbia ni so ayeke Jésus Christ (Luc 1:32, 33). Jésus ayeke Gbia ti Royaume ti Nzapa, mbeni gouvernement so ayeke na yayu.—Matthieu 6:10.

• Ti hinga ndani so mo peut ti sara confiance na Jésus, nga ye so lo yeke sara ande ti leke akpale so e yeke na ni, diko a-article “Gbia ti Royaume ti Nzapa ayeke zo wa?” nga na “Nyen la Royaume ti Nzapa ayeke sara ande?”