Kpengo ndia ape ague na li ni mingi na yâ ti dunia kue: Bible atene nyen na ndö ni?

Groupe ti abandit ayeke mingi na Haïti. Sarango ye ti ngangu na zo asara si azo ayeke bâ pasi mingi na Afrique du Sud, na Mexique nga na yâ ti ambeni kodro ti Amérique Latine. Même na yâ ti akodro so sarango ye ti ngangu na zo ayeke mingi ape, tongana azo amä asango na ndö ti asarango ye so ayeke tâ sioni mingi, a sara si ala bâ so ala yeke na sécurité ape nga ala yeke gi bê ti ala mingi.

Bible atene nyen na ndö ti kpengo ndia ape so ague na li ni mingi na yâ ti dunia kue?

Nyen la Bible atene kozo awe na ndö ti kpengo ndia ape?

Bible atene kozo awe so kpengo ndia ape ayeke mbeni mbage ti signe ti “ngoi so aye ti ngoi so ayeke gue ti hunzi.” (Matthieu 24:3). Na temps so Jésus Christ ayeke fa lani aye so ayeke si so ayeke mbage ti signe so, lo tene:

•  ‘So kpengo ndia pëpe ayeke wu mingi, ndoye ti mingi ti azo ni ayeke dë dengo.’—Matthieu 24:12.

Bible atene nga lani so “na lâ ti nda ni” azo ayeke ‘kanga nzara ti bê ti ala pëpe, azo so ayeke asioni zo, azo so andoye nzoni ye pëpe.’ (2 Timothée 3:1-5). Mara ti asarango ye ni so asara si laso azo ayeke kpe ndia ape.

Me e yeke na anzoni raison ti duti na beku. Bible amû zendo so na yâ ti kete ngoi kpengo ndia ape ayeke duti ande dä encore ape.

•  “Na yâ ti kete ngoi, azo ti sioni ayeke duti dä encore ape; mo yeke bâ ande place so ala yeke lani dä, me ala yeke duti dä encore ape. Me azo so asara terê ti ala kete, sese ayeke ga ye ti ala, na ala yeke duti na ngia mingi na yâ ti siriri so amû ndo.”—Psaume 37:10, 11.

Ti hinga ye mingi na ndö ti beku so Bible amû nga ndani so mo peut ti duti sûr so aye so e yeke bâ laso ayeke gango tâ tënë ti aprophétie ti Bible, bâ a-article so a fa na gbe ni ge.

“Une espérance réelle pour des jours meilleurs ”

“Quel est le signe des ‘derniers jours’ ou ‘temps de la fin’ ?”

“La Bible a-t-elle prédit la mentalité et la conduite des gens de notre époque ?”