Ngbanga ti nyen la azo ayeke sara ye na lege ni ape?<u2060> Bible atene nyen na ndö ni?

Sarango ye na lege ni ape amû ndo kue. Azo so terê ti ala ason ayeke dekongo na ndö ti adocteur, aclient so ague na restaurant ti te ye ayeke suku na azo so aservir ala, azo so ayeke voyagé ayeke sara ye ti ngangu na azo so ayeke sara kua na yâ ti agare, amolenge so akpe zo ape ayeke he azo so afa mbeti na ala, ala yeke menacé awafango mbeti ni na ala yeke attaqué ala; nga ambeni zo ti poroso atï na yâ ti ambeni sioni sarango ye na oko ngoi ni ambeni zo ti poroso ni ayeke gi ti sara ye so ala wani abâ so ayeke na lege ni.

Bible ayeke mbeni ye so zo apeut ti sara confiance na ni so apeut ti aidé zo ti sara ye na lege ni. A fa nga ndani so azo ayeke sara ye na lege ni ape laso.

Ngbanga ti nyen la azo ayeke sara ye na lege ni ape?

Sarango ye na lege ni ape, so ti tene, asioni sarango ye nga na aye so zo apeut ti yeda na ni ape, amû ndo na yâ ti dunia kue.

• Ti gue oko na mbeni gingo nda ti ye, (Gallup poll) so a sara ade ti ninga ape, azo ti Amérique abâ so sarango ye na lege ni ayeke tongana ti kozo ape, tongana a haka ni na yâ ti angu 22 so ahon.

• Na yâ ti mbeni gingo nda ti ye so a sara na azo 32 000 na yâ ti akodro 28, tongana a mû azo 100, azo 65 atene so, sarango ye na lege ni ape aga pire ahon ti kozo.

Bible afa kozo awe sarango ye ti azo so e yeke bâ ni laso.

• “Na yâ ti alango ti nda ni, fade angoi ayeke ga ngangu. Azo ayeke ga azo ti kion, nzara ti nginza ayeke hon ndö ti ala, ala yeke pika kate ti ala si ala yeke gonda terê ti ala; ala yeke zonga Nzapa si ala yeke sara ngangu-li na ababâ na amama ti ala. Ala yeke hinga anzoni ye so a sara na ala pëpe, . . .ala yeke sara pasi na amba ti ala, [nga] ala ye ti sara nzoni ye pëpe.”— 2 Timothée 3:1-3, Mbeti ti Nzapa, Tënë so amu fini.

Ti hinga ye mingi na ndö ti tongana nyen la prophétie so aga tâ tënë, diko article “La Bible a-​t-​elle prédit la mentalité et la conduite des gens de notre époque ?”

Mbeni ye so apeut ti fa lege na zo ti sara ye na lege ni

Na yâ ti dunia so azo ayeke sara ye na lege ni ape, azo million mingi abâ so Bible la ayeke nzoni ye so ayeke fa lege na zo ti sara ye na lege ni. Awango ti ndara so ayeke na yâ ni ayeke ye so “zo alingbi lakue ti zia bê ti lo dä”. (Psaume 111:8). Bâ ambeni tapande ni:

• Ye so Bible afa: “Ye kue so ala ye azo asara na ala, ala sara ni na azo ni nga.”—Matthieu 7:12.

  Nda ti versê ni: E doit ti sara ye na azo na nzoni bê nga na nengo zo, gï tongana ti so e ye ti tene ala sara ni na e nga.

• Ye so Bible afa: “So ala ke handango zo awe so, zia zo oko oko na popo ti ala atene tâ tënë na mba ti lo.”—aÉphésien 4:25.

  Nda ti versê ni: E doit ti sara ye na lege ni na yâ ti aye kue na lege ti atënë ti e nga na asarango ye ti e.

Ti hinga ye mingi na ndö ti tënë so, mo peut ti diko:

• Tour ti Ba Ndo so mama-tene ni ayeke “Tongana nyen la e peut ti hinga ye so ayeke nzoni nga ye so ayeke sioni?”

• Article “Tongana nyen la Bible apeut ti aidé azo ti kanga bê na amba ti ala?.”