Tongana mbeni zo ayeke Témoin ti Jéhovah encore ape, eskê ala yeke kpe lo kpengo?
Tongana mbeni Témoin ti Jéhovah so awara batême awe si lo zia lege ti fango tënë, wala peut-être lo zia lege ti guengo na abungbi, e yeke kpe lo kpengo ape. Me e yeke gi ti mû maboko na lo nga e yeke tara ti sara si lo kiri lo ye tënë ti Nzapa.
Tongana mbeni zo asara mbeni kota faute, a yeke zi gï lo gï hio tongaso na bungbi ni ape. Me, tongana mbeni Témoin ti Jéhovah so awara batême ayeke sara mbeni ye so ndia ti Bible ake ni nga lo ke ti changé sarango ye ni, a yeke zi lo na bungbi ni. Bible atene: “Ala zi zo ti sioni so na popo ti ala.”—1 aCorinthien 5:13.
Nyen la ayeke passé tongana a zi mbeni koli na bungbi ni me si wali ti lo nga na amolenge ti lo angbâ ti ala aTémoin ti Jéhovah? Songo ti ala na lo na ndö ti aye so andu tënë ti Nzapa ayeke duti ande tongana ti kozo ape, me lo ngbâ lakue koli ti wali ni nga babâ ti amolenge ni. Ala ngbâ ti bata songo ti mariage ti ala nga ti ngbâ ti ndoye terê na yâ ti sewa ni.
Tongana a zi mbeni zo na bungbi, lo peut ti ngbâ ti gue na abungbi ti e kue. Tongana lo ye, a-ancien ti congrégation apeut ti mû na lo awango ti yâ ti Bible. A yeke sara tongaso ti tene a aidé lo ti tene lo kiri lo ga Témoin ti Jéhovah. Tongana a zi mbeni zo na bungbi ni si na pekoni lo changé asioni sarango ye ti lo nga lo fa biani so lo ye ti sara ye alingbi na andia ti Bible, a yeke kiri na lo na yâ ti bungbi ni.