HUNDA TI AMASEKA
Nyen la mbi yeke sara tongana mbeni kamarade ti mbi ason bê ti mbi?
Ye so a lingbi mo hinga
Na popo ti akamarade lakue kpale amanke ka ape. So e kue e yeke na siokpari na terê ti e, nzoni kamarade ti mo, wala même mbeni kamarade ti mo so mo ye lo mingi, apeut ti sara mbeni ye wala ti tene mbeni tënë so ason mo. Ti vrai ni, mo kue mo yeke na siokpari na terê ti mo. Ni la, a yeke bien ti rappelé terê ti mo na ngoi so mo kue mo son lani bê ti mbeni zo.—Jacques 3:2.
Internet apeut ti sara si ayeke facile ti tene bê ti zo ason. Na tapande, mbeni maseka-koli so iri ti lo ayeke David atene: “Tongana mo yeke na ndö ti internet na si mo bâ foto ti akamarade ti mo na place ti mbeni fête, mo peut ti komanse ti hunda terê ti mo ngbanga ti nyen la ala invité mo ape. Na pekoni, bê ti mo apeut ti komanse ti son nga mawa ayeke sara mo.”
Mo peut ti sara si kpale ni ahon ndö ti mo ape
Ye so mo peut ti sara
Gbu li na ndö ti asarango ye ti mo. Bible atene: “Zia si bê ti mo ason hio hio pëpe, ndali ti so a yeke ye so a hinga zo ti buba na ni.”—Zo-ti-fa-tene 7:9, bâ kete tënë na gbe ni.
“Na ambeni temps, mo yeke bâ so mbeni ye so mo sara fade ngonzo ndali ni so ayeke nga kota kpale ape.”—Alyssa.
Gbu li na ndö ti ahunda so: Eskê mo yeke mbeni zo so aninga ti sara ngonzo ape? Eskê mo peut ti manda ti kanga bê ahon ti kozo na afaute ti amba ti mo ape?—Zo-ti-fa-tene 7:21, 22.
Gbu li na ndö ti aye ti nzoni so zo ayeke wara tongana lo pardonné mba ti lo. Bible atene: “[Ti] hon na ndö ti ye ti songo bê, a yeke pendere ye mingi.”—aProverbe 19:11.
“Même si mo yeke na raison ti sara ngonzo, a yeke nzoni ti pardonné zo na bê ti mo kue, na ye so aye ti tene ape ti rappelé zo ni lakue na faute so lo sara tongaso si lo hunda na mo pardon lakue. Tongana mo pardonné mbeni zo awe, kiri encore na ndö ti tënë ni ape.”—Mallory.
Gbu li na ndö ti ahunda so: Eskê kpale ni so ayeke biani kota kpale? Eskê mo peut ti pardonné zo ni ti tene mo bata siriri ape?—aColossien 3:13.
Na yâ ti songo ti mo na mbeni zo, tongana lakue mo yeke gi ti fa na lo afaute kue so lo sara na mo, a yeke mo bâ mo tene mbeni chambre so yâ ni achauffé si fani mingi mo yeke zi yanga ni ti tene dê alï yâ ni
Pensé na mba ti mo. Bible atene: “[Ala zia] lê ti ala gï na ndö ti aye ti ala wani pëpe, me nga na ndö ti aye ti amba ti ala.”—aPhilippien 2:4.
“Tongana ndoye nga na nengo zo ayeke na yâ ti songo ti kamarade ti mo na mbeni zo, a yeke sara si ala yeke leke akpale hio ndali ti so songo ti kamarade ni agbu bê ti ala. Mo sara aye mingi ti tene songo ti kamarade ni akpengba, na a yeke mbeni ye so mo ye ti perdre ni ape.”—Nicole.
Gbu li na ndö ti hunda so: Ye ti nzoni wa la kamême ayeke na yâ ti tënë ti mba ti mo ni?—aPhilippien 2:3.
Bata tënë so: Ti hinga ti kanga bê tongana mbeni zo ason bê ti mo ayeke mbeni ye so ayeke aidé ande mo mingi tongana mo ga kota zo. A yeke bien ti komanse ti manda ni l’heure tongaso.