YE TI MANDA 45
Ti duti nde aye ti tene nyen?
Jésus afa na adisciple ti lo so “ala yeke ti dunia so pëpe”. (Jean 15:19). Ti duti nde aye ti tene ti mû mbage pëpe na yâ ti aye ti poroso ti dunia so nga na abira. Me ti bâ ni nzoni, a yeke lakue kete ye ape. Azo apeut ti he e ndali ni. Tongana nyen la e peut ti ngbâ ti duti nde nga ti ngbâ ti duti be-ta-zo na Jéhovah Nzapa?
1. Atâ Chrétien abâ agouvernement ti azo tongana nyen?
Atâ Chrétien ane azo ti gouvernement. E sara tongana ti so Jésus atene na e ti “kiri na César aye so ayeke ti César,” so ti tene, e kpe andia ti kodro, na tapande ati so a hunda na e ti futa impôt (Marc 12:17). Bible afa so agouvernement ti azo ayeke komande gï ndali ti so Jéhovah azia lege na ala ti komande (aRomain 13:1). Tongaso, e hinga so agouvernement ti azo ayeke na komandema kue tongana ti Nzapa ape. E yeke bâ ndo na mbage ti Nzapa ti e nga na Royaume ti lo so ayeke na yayu ti leke akpale ti dunia.
2. Tongana nyen la e peut ti fa so e duti nde?
Tongana ti Jésus, e yeke yôro terê ti e na yâ ti aye ti poroso ape. Na ngoi so azo abâ mbeni miracle ti Jésus na ala ye ti mû lo tongana gbia ti ala, lo ke (Jean 6:15). Lo ke ngbanga ti nyen? Ngbanga ti so, tongana ti so lo tene na pekoni, “Royaume ti mbi ayeke ti dunia so pëpe.” (Jean 18:36). So e yeke adisciple ti Jésus, e yeke fa so e duti nde na alege nde nde. Na tapande, e sara bira ape. (Diko Michée 4:3.) E ne aye tongana drapeau, me e yeke voro ni ape (1 Jean 5:21). E yeke mû pëpe mbage ti mbeni bungbi ti poroso wala mbeni zo ti poroso so agi ti tene a voté lo nga e ke mbeni ape. Na alege so nga na ambeni lege nde, e fa so e yeke be-ta-zo na gouvernement ti Nzapa, wala Royaume ti lo.
GI TI HINGA AYE MINGI
Bâ aye so na yâ ni a peut ti duti ngangu na e ti duti nde, nga bâ tongana nyen la mo peut ti mû adesizion so anzere na Jéhovah.
3. Atâ Chrétien aduti ti ala nde
Jésus na adisciple ti lo azia tapande ni na e. Diko aRomain 13:1, 5-7 nga na 1 Pierre 2:13, 14. Na pekoni, zia VIDÉO ni nga kiri tënë na ahunda so:
Ngbanga ti nyen la a lingbi e ne agouvernement ti azo?
Na ambeni lege wa la e yeke fa so e woko terê na gbe ti ala?
Na angoi ti bira, ambeni mara apeut ti tene so ala duti ti ala nde, me ala yeke mû maboko na ambage use kue so ayeke tiri. Me ti duti nde aye biani ti tene nyen? Diko Jean 17:16. Na pekoni, zia VIDÉO ni nga kiri tënë na hunda so:
Ti duti nde aye ti tene nyen?
Ka tongana akota zo ti kodro ahunda na e ti sara mbeni ye so ague nde na ndia ti Nzapa? Diko Kusala 5:28, 29. Na pekoni, zia VIDÉO ni nga kiri tënë na ahunda so:
Tongana ndia ti azo ahunda mbeni ye so ague nde na ndia ti Nzapa, ti so wa la e doit ti sara ye alingbi na ni?
Eskê mo peut ti pensé na ambeni ye so, na yâ ni, aChrétien ayeke ke ti mä yanga ti akota zo ti kodro?
4. Na yâ ti li ti mo nga na yâ ti asarango ye ti mo, duti nde
Diko 1 Jean 5:21. Na pekoni, zia VIDÉO ni nga kiri tënë na ahunda so:
Na yâ ti vidéo ni, ngbanga ti nyen la Ayenge ake ti lï na yâ ti mbeni bungbi ti poroso wala ti mû mbage pëpe na yâ ti aye tongana barango drapeau?
Mo pensé so lo mû desizion ti ndara la?
Ambeni ye wa la apeut ti sara si a yeke ngangu na e ti duti nde? Zia VIDÉO ni, na pekoni kiri tënë na ahunda so:
Tongana nyen la e lingbi ti fa so e duti nde tongana e yeke bâ angia ti awanguru so atingbi akodro nde nde?
Tongana nyen la e lingbi ti ngbâ ti duti nde même tongana azo ti poroso amû desizion so asara sioni na e wala aga na aye ti nzoni na e?
Tongana nyen la asango so e yeke mä wala azo so e yeke na terê ti ala apeut ti pusu e ti duti nde ape?
Na yâ ti aye wa la mbeni Chrétien adoit ti ngbâ ti duti nde na lege ti apensé ti lo nga na asarango ye ti lo?
MBENI ZO APEUT TI HUNDA MO, ATENE: “Ngbanga ti nyen la ala yeke bara drapeau ape wala ala yeke he hymne ape?”
Mo yeke tene nyen?
NA NDURU TËNË
A-Chrétien ayeke sara kue ti duti nde na yâ ti aye ti poroso, na lege ti apensé ti ala, atënë ti ala nga na asarango ye ti ala.
Dango bê
Aye wa la tongana gouvernement ti azo ahunda na e, e doit ti sara ni?
Ngbanga ti nyen la e ngbâ ti duti nde na yâ ti aye ti poroso?
Aye wa la apeut ti sara si a yeke ngangu na e ti duti nde?
GI NDA TI YE
Asacrifice wa la peut-être e bezoin ti sara ti ngbâ ti duti nde?
Aye wa la asewa apeut ti sara ti leke terê ti ala kozo ndali ti aye so alingbi ti si so na yâ ni a yeke duti ngangu na ala ti duti nde?
Ngbâ ti duti nde na ngoi so azo abungbi ti sara mbeni ye (4:25)
Ngbanga ti nyen la ti tiri ti bata kodro ayeke pëpe kota ye ti gloire so ahon atanga ni kue so mbeni zo apeut ti gi ti wara?
Bâ tongana nyen la mo peut ti ngbâ ti duti ti dunia so pëpe na ngoi so mo yeke mû desizion na ndö ti kua ti nginza.
“Fade azo oko oko kue ayô kungba ti ala mveni” (Tour ti Ba Ndo ti lango 15 ti mars 2006)