Tâ nzoni kode ti kaïngo kobela ayeke so wa?
Wanganga Michael Rose, wayinda na wamungo yorö ti lango na zo ti kobela na ngoi ti opération, atene: “Zo so awanganga asuru lo sân ti mû na lo mênë, e tene so lo wara tâ nzoni lege ti kaï na kobela na tere ti lo.” Akode na ayorö wa a lingbi ti sara na kusala na place ti mungo mênë na zo? A lingbi mo hinga ni kozoni si mo mû desizion na ndo kode ti kaïngo kobela nga na surungo zo. Bâ vidéo Pas de sang: la médecine relève le défi. Na pekoni, tara hingango ye ti mo na lege ti ahundango tënë so.—Kete tënë: Teti so na yâ ti kasete ni a fa ambeni kete mbage ti akode ti surungo zo, a lingbi ababâ na mama asara ye na ndara tongana ala yeke bâ kasete ni na akete molenge.
(1) Ngbanga ti nyen aTémoin ti Jéhovah aye mbilimbili ti mû mênë pëpe? (2) Na ndo tënë ti mungo yorö ti kaï na kobela, ye nyen si e ye? (3) Azo ti kobela ayeke na droit ti sara nyen? (4) Ngbanga ti nyen ti soro mbeni kode ti kaingo kobela sân mênë ayeke ti lo na lege ni nga afa so e yeke bâ tënë ti seni ti e na nene ni? (5) Tongana mênë ti zo ayuru mingi, aye use wa a lingbi awanganga asara hio kozoni? (6) Akota tënë osio wa ayeke na gunda ti akode so a sara na kusala ahon ti mû mênë na zo so a yeke suru lo? (7) Tongana nyen awanganga alingbi (a) ti sara si mênë ti zo ti kobela ayuru mingi pëpe? (b) ti bata abengba globule ti lo? (c) ti sara si mênë ti lo angbâ ti dü? na (d) ti kiri na tere ti zo mênë ti lo so ayuru? (8) Fa nda ti kode so a iri ni (a) hémodilution na (b) récupération du sang épanché. (9) Mo ye ti tene docteur ti mo afa nyen na mo na ndo akode nde nde ti kaingo kobela na place ti mênë? (10) A lingbi ti sara angangu opération na zo sân ti mû na lo mênë? (11) Aye ti nzoni wa ayeke bâ gigi fadeso na popo ti awanganga?
Ti yeda na ambeni kode ti kaïngo kobela so a fa na yâ ti kasete vidéo so, a yeke ti zo oko oko ti mû desizion na lege ti yingo-ti-hinga ti lo so Bible afa lege na ni. Na ndo ayorö so a lingbi ti mû na mo nga na amolenge ti mo na place ti mênë, mo gbu li ti mo na ndo ni awe? A lingbi nga asewa ti mo so ayeke aTémoin ti Jéhovah pëpe ahinga tënë nzoni na ndo desizion so mo mû nga na ye so apusu mo ti sara ni.—Bâ “Atënë so azo ahunda” na yâ Tour ti Ba Ndo ti 15 juin 2004, na Tour ti Ba Ndo ti 1 novembre 2000.