POINT 1

Akozo tënë so andu bê ti zo

Kusala 17:22

NA NDURU TËNË: Akozo tënë ti mo adoit ti zia nzara ti tënë ti mo na yâ ti azo so ayeke mä mo, afa mama-tene ti mo ni nga afa ngbanga ti nyen la azo so ayeke mä mo adoit ti sara nzara ti tënë ni.

LEGE TI SARANGO NI:

Zia nzara ti tënë ni na bê ti zo. Hunda mbeni tënë, fa peko ti tënë ti mbeni zo, fa mbeni tâ ye so asi wala mbeni fini sango so anzere na azo so ayeke mä mo.

Kozoni, gbu li ti mo nzoni na ndö ti aye so anzere na azo so ayeke mä mo wala so agbu bê ti ala na leke akozo tënë ti mo ague oko na ni.
Hinga mama-tene ti mo ni. Bâ si akozo tënë ti mo asara si mama-tene ti mo ni nga na ye so mo leke ti si dä asigi polele na lê ti azo so ayeke mä mo.
Fa ndani so mama-tene ti mo ni ayeke kota mingi. Sara si tënë ti mo ague oko na bezoin ti azo so ayeke mä mo. A yeke nzoni ala hinga polele tongana nyen la mama-tene ti mo ni apeut ti aidé ala oko oko kue.

Na ngoi so mo yeke leke mbeni diskur, hunda terê ti mo na tënë so: ‘Akpale wa la aita ti congrégation ti mbi ayeke tingbi na ni?’ Na pekoni, leke akozo tënë ti mo ti lingbi na abezoin ti ala.