ENCADRÉ SO AFA YE NA ZO 16B
Toto na dema, ziango marque nga na futingo ye: A yeke si lawa? A yeke si tongana nyen?
Vision so a sara tënë ni na Ézéchiel chapitre 9 ayeke ga tâ tënë na ngoi ti e. Tongana e hinga tongana nyen la aye ni ayeke si, a yeke mû maboko na e ti duti na confiance ti gbu lê ni na ngoi so aye ti ngoi so ayeke hunzi
“Toto na dema”
A YEKE SI LAWA?: A yeke komanse na lâ ti nda ni, kozo na kota ye ti vundu
A YEKE SI TONGANA NYEN?: Azo so aye sarango ye ti mbilimbili ayeke fa na lege ti atënë ti yanga ti ala nga na asarango ye ti ala so ala ke na bê oko asioni ye ti dunia so. Ala yeda na fango tënë, ala gi ti duti na asarango ye ti Christ, ala wara batême ti fa so ala mû terê ti ala na Jéhovah nga ala mû maboko na aita ti Christ na bê ti ala kue
“Ziango marque”
A YEKE SI LAWA?: Na ngoi ti kota ye ti vundu
A YEKE SI TONGANA NYEN?: Koli so ayeke na kete ye ti ziango encre ti wakuasu na yâ ni aye ti sara tënë ti Jésus Christ na ngoi so lo yeke ga tongana Juge ti amara kue. A yeke fâ ande ngbanga ti azo mingi mingi nzoni, wala a yeke zia marque na ndö ti lê ti ala ti fa so ala yeke ataba, ye so ayeke fa so ala yeke sö ande kuâ na Harmaguédon
“Futingo ye”
A YEKE SI LAWA?: Na bira ti Harmaguédon
A YEKE SI TONGANA NYEN?: Jésus Christ nga na aturugu ti lo ti yayu, so na popo ti ala a yeke wara a-ange nga na amba ti lo agbia 144 000, ayeke futi ande biani biani sioni dunia so nga ala yeke sö azo so ayeke voro Nzapa na lege ni ti lï na yâ ti fini dunia so mbilimbili ayeke duti dä