A-Témoin ti Jéhovah abâ ti ala azo ti atanga ti abungbi ti nzapa tongana nyen?

E yeke sara ye alingbi na wango ti Bible so atene na e ti “ne mara ti azo kue”, atâa nzapa wa ala voro (1 Pierre 2:17). Na tapande na yâ ti ambeni kodro, aTémoin ti Jéhovah ayeke dä saki na saki. Me atâa so e yeke mingi tongaso, e tara lâ oko ape ti pusu azo ti poroso wala azo so ayeke bâ lege ti andia ti kodro ti kanga lege wala ti sara ye ti ngangu na ambeni bungbi ti nzapa nde na e. E yeke sara pëpe mbeni campagne ti tene a sigi na mbeni ndia so alingbi ti pusu azo kue ti sara ye alingbi na atënë ti mabe ti e. Me e yeke ne azo kue tongana ti so e ye nga si ala ne e.—Matthieu 7:12.