ROSAANO ASSA
ROSO 11
Huwatate Qarrisannokkire
Xintu seera: “Coyidhinanni coye xawissine [kulle].”—1 Qor. 14:9.
Yesuusi Assinore
1. VIIDIYO laꞌe; woy Maatewoosi 6:25-27 nabbabbe. Hakkiinni, aante noo xaꞌmuwa hiince:
Yesuusi Yihowa towaatannonketa lawishshunni rosiisinohu hiittoonniiti?
Yesuusi ceate daafira lowore afinoha ikkirono, maa calla illachishino? Tini rosiisate dancha ogimmaati yineemmohu mayiraati?
Yesuusi Assinorinni Maa Ronseemmo?
2. Huwatate qarrisannokki garinni rosiinseemmoha ikkiro, mannu kulloommore qaaganno; hattono wodanansa loosoho kakkayisa dandiineemmo.
Yesuusi Faale Hadhe
3. Lowore coyidhinoonte. Mitte hajo daafira affinoonnire gudissine kulantenni, xiinxallote borrora noo hedo illachishshe. Xaꞌmo xaꞌmitinihu gedensaanni, rosaanchu qola geeshsha cincitine agarre. Xaꞌmote dawaro afinokkiha ikkiro woy Qullaawu Maxaafi rosi ledo sumuu yaannokkire qoliro, coye heeshshi gotti asse hedanno gede kaaꞌlate wole xaꞌmo xaꞌme. Rosaanchoho qara hedo leeltinosiha ikkiro, wolete saꞌe.
4. Haaro roso, rose saino halaali ledo xaadisanno gede kaaꞌlesi. Lawishshaho, kaote daafira kulanno roso hanaffinara albaanni, alba rose saꞌnoha reyino manni noo gara kulanno halaale haransitine qummi assa dandiitinanni.
5. Lawishsha hayyotenni horoonsidhe. Mitto lawishsha coyidhinara albaanni, kiꞌneneeto togo yitine xaꞌme:
‘Kuni lawishshi huwatate qarrisannokkiho?’
‘Rosaanchu qarramikkinni huwata dandaanno?’
‘Kuni lawishshi rosaanchu lawishsha calla ikkikkinni qara hedo qaaganno gede kaaꞌlannoho?’