Worbimma

Yesuusi Assinore

VIIDIYO: Yesuusi Dureessanna Wedellicha Gashshaancho Amaali

1. VIIDIYO laꞌe; woy Maarqoosi 10:17-22 nabbabbe. Hakkiinni, aante noo xaꞌmuwa hiince:

1. Yesuusi wedellichu gashshaanchira hiitti dancha akatta noosita wodanchinoha ikkara dandaanno?

2. Yesuusi konne mancho amaalate baxillaanchonna worba ikka hasiissinosihu mayiraati?

Yesuusi Assinorinni Maa Ronseemmo?

2. Rosaanchinkera baxille leellisha hasiissannonke; ikkirono ayyaanaamittetenni lophanno gede kaaꞌlate noore maanxummokki kula hasiissannonke.

Yesuusi Faale Hadhe

3. Rosaanchu mixo fushshiꞌranno gedenna mixosi wonshiꞌranno gede kaaꞌlesi.

1. Hegerera Hagiidhitanni Heeꞌra Dandaatto! yitanno borrora mittu mittunku rosi hunda nooha “Mixo” yaanno gafa horoonsidhe.

2. Rosaanchu haranchonna seeda yanna mixosi wonshiꞌrate assa hasiissannosire afanno gede kaaꞌlesi.

3. Lophosi daafira rosaancho woꞌmanka woyite galattesi.

4. Lophote guficho ikkannosire baddine affe; hattono tenne guffa qeele saꞌꞌanno gede kaaꞌlesi.

1. Kiꞌneneeto togo yitine xaꞌme:

   • ‘Rosaanchiꞌya cuuamate widira hige lophanni nookkiha ikkiro, hoolanni noosiri maati?’

   • ‘Iso kaaꞌlate maa assa dandeemmo?’

2. Rosaanchiꞌne assa hasiissannosire baxillunni xawissine kulate jawaante afidhinanni gede huuccatto assidhe.

5. Rosaanchu ayyaanaamittetenni lophanni nookkiha ikkiro, xiinxallisa agurre.

1. Rosaanchiꞌne ayyaanaamittetenni lophanni nooronna teꞌee afate, kiꞌneneeto togo yitine xaꞌme:

   • ‘Rosaanchiꞌya rosinore loosu aana hosiisanni no?’

   • ‘Songote gambooshshe daanno? Halaale mannaho farciꞌranno?’

   • ‘Mito geeshsha xiinxallihu gedensaanni, Yihowa Farciꞌraasincho ikka hasiꞌranno?’

2. Qullaawu Maxaafi rosaanchi lophate hasatto noosikkiha ikkiro:

   • Ayyaanaamittetenni lophannota hoolanni noosiri maatiro hedanno gede xaꞌme.

   • Xiinxallisa agurate kaꞌinoonnihu mayiraatiro shaqqillunni kullesi.

   • Albillitte wirro xiinxalla hasiꞌriro, maa maa assa hasiissannosiro kullesi.