Goofimarchu barra gatte saꞌannori gannate ikkitino uullara heedhanno
Qullaawu Maxaafi Mayyaanno?
Heeꞌnoommohu ‘goofimarchu barraati?’
Atera maa lawannohe?
Ee
Deeꞌni
Ikkara dandaanno
Qullaawu Maxaafi yaannore
“Goofimarchu barra qarrissanno yanna dagganno.” (2 Ximootewoosi 3:1) Qullaawu Maxaafi masaalonna yannankera noo ikkito heeꞌneemmohu “goofimarchu barra” ikkinota leellishshanno.
Qullaawu Maxaafinni wolere maa ronseemmo?
Olu, buxima, baattote huxanonna taraawannohu buutote dhibbi heeꞌnoommohu goofimarchu barra ikkinota leellishanno malaateeti.—Maatewoosi 24:3, 7; Luqaasi 21:11.
Goofimarchu barra mannu ooso amanyootunninna ayyaanaamittetenni anganni fultanno.—2 Ximootewoosi 3:2-5.
Mannu ooso albillitte hiittoo heeshsho heedhanno?
Mitu manni . . . goofimarchu barri gumulamannohu baattonna aanase noori baalu baꞌꞌanno woteeti yee hedanno; wolu qole coyi woyyaawanni haꞌranno yee hexxanno. Atere maa lawannohe?
Qullaawu Maxaafi yaannore
“Keeraano baatto ragidhanno; ise aana hegerera heedhanno.”—Faarso 37:29.
Qullaawu Maxaafinni wolere maa ronseemmo?
Goofimarchu barri gumulamannohu bushu coyi baalu baꞌꞌanno woteeti. —1 Yohaannisi 2:17.
Uulla gannate ikkitanno.—Isayaasi 35:1, 6.