Pirogiraame Badheessa 16nni Hanaffanno Lamala

Faarso 65 nna Huuccatto

Songonnita Qullaawu Maxaafi Xiinxallo:

fg roso 14 xaꞌmo 1-4 (30 daq.)

Tiokiraasenniha Soqqanshote Rosi Mine:

Qullaawu Maxaafi niwaawe: 1 Saamueeli 5-9 (8 daq.)

Kir. 1: 1 Saamueeli 6:10-21 (3 daq. woy hakkuyi woroo)

Kir. 2: Gotooliya—Cuꞌmo: Silxaanete Wojji Yaa Daaffanno—w09-AM 4/1 qool. 24-25 (5 daq.)

Kir. 3: Yesuusi Aana Woꞌmitinota Mesihichunnire Kultanno Masaalo—igw qool. 11 (5 daq.)

Soqqanshote Gambooshshe:

AGANU CUꞌMO: ‘Danchu Loosi Baalunkura Qixxaabbinoonnire Ikke’ —Tito 3:1.

Faarso 98

10 daq: Insaneeto Uminsa Fajjonni Shiqishshino—Tayiwaane. Birra 15, 2014, Agarooshshu Shae, (Amaaru Afoo) qoola 3-6; aana xintante hasaawunni shiqqanno. Konni birxichi giddo kulloonni halashshaano wole gobba haꞌrate qixxaabbinohu hiittoonniiti? Afidhino atooti maati?

20 daq: “Soqqanshonke Isilanchimma Woyyeessiꞌra—Metseetete Dambanyoota Kalaqira.” Hasaawunni shiqqanno. Konne birxicho hasaabbinihu gedensaanni, mittu halashshaanchi Metseetete dambanyisira Qullaawu Maxaafi xiinxallo jammarsiisanna leellishshannoti harancho ikkito shiqqanno gede assi. Hakkiinnino, Metseetete dambanyi noosi halashshaancho qaalu xaꞌmo xaꞌmi. Metseetete dambanyooti meu noohe? Mitto mittonka galagalte marte hasaawisate qixxaawattohu hiittoonniiti? Afiꞌrinota dancha temokkiro kulanno gede xaꞌmi.

Faarso 101 nna Huuccatto