Baote Wayinni Kayise Gibitsete Borojjimmanni Fulate Geeshsha

Baote wayinni gatino manni sette calla ikkirono, yannate gedensaanni ilame lowo manna ikki. Baote wayi saihunni 352 diri gedensaanni, Abirahaami ilami. Maganu Abirahaamira eino qaale, Yisaaqi yinanni beetto oyeesi hiittoonni wonshinoro albaange ronseemmo. Hakkunni gedensaanni, lamu Yisaaqi ooso giddo Maganu Yaaqoobi doori.

Yaaqoobira 12 labballonna shiima seenne ooso amaddinoti halaꞌlado maate noosi. Yaaqoobiti 10 ooso maaꞌniidi rodoonsa gibbe Gibitsete borojjichcho ikkanno gede hirtusi. Yannate gedensaanni Yooseefi Gibitsete gobba gashshaancho ikki. Buutote hude daggu yannara Yooseefi, roduuwisi wodaninsa bunshe aguransanna teꞌee afate fonqolinsa. Yannate gedensaannino, Yaaqoobi maate, yaano Isiraeele Gibitsete gobba hadhu. Kuni ikkinohu Abirahaami ilamihunni 290 diri gedensaanniiti.

Hakkunni gedensaanni Isiraeele 215 diro Gibitsete gobbara heedhu. Yooseefi reyihu gedensaanni, hatte gobbara borojjoota ikkitu. Yannate gedensaanni Muse ilami; Maganuno Muse hoꞌronsire Isiraeele Gibitsete borojjimmanni fushshi. LAYINKI Gafira xaphphoomunni 857 diri giddo ikkitino xagge ronseemmo.