Qullaawu Maxaafi Xaꞌmonna Dawaro

Yesuusi reyo kaaꞌlitannonkehu hiittoonniiti?

Maganu hunda manna kalaqinohu, mannu xiwame qarramikki woy reyikki uullate aana hegerera heeꞌraraati. Ikkollana, umi manchi Addaami Kalaqaanchoho finqile hegerera heeꞌrate hexxosi huꞌnino. Ninkeno Addaami sircho ikkinoommo daafira, isiwiinni reyo ragiꞌnoommo. (Roomu Sokka 5:8, 12; 6:23) Halaalaanchu Magani Yihowa, Addaami hunino heeshsho galagale qolate Beettosi Yesuusa uullara soyino.—Yohaannisi 3:16 nabbawi.

Yesuusi reyo cubbinkera maaro afiꞌneemmo gedenna gawalo nookki heeshsho heeꞌneemmo gede faro fantinonke. Qullaawu Maxaafi uullate aana geedhimma, xibbunna reyo nookkiha heeꞌneemmo heeshsho hiittoota ikkitannoro huwanteemmo gede kaaꞌlannonke.—Isayyaasi 25:8; 33:24; Ajuuja 21:4, 5 nabbawi.

Yesuusi reyo qaaga hasiissannonkehu ma garinniiti?

Yesuusi reyara albaanni noo hashsha, rosaanosi shiimare qixxeessite reyosi qaagganno gede kulinonsa. Konni garinni diru dirunku Yesuusi reyo qaaganke, isinna Yihowa mannu ooso mageeshshi geeshsha baxxannoro hendeemmo gede assitannonke.—Luqaasi 22:19, 20; 1 Yohaannisi 4:9, 10 nabbawi.

Tayixe Yesuusi reyo Qaagooshshe ayirrinsannihu Sanyo, Dotteessa 6, 2006 (Dotteessa 14, 2014) arrishsho eꞌu gedensaanniiti. Atino qooxeessikkira noote Yihowa Farciꞌraasine ledo gamba yaattora koyinsoommohe.—Roomu Sokka 1:11, 12 nabbawi.