QULLAAWU MAXAAFI XAꞌMONNA DAWARO
Uulla Kalaqantinohu Mayiraati?
Uulla kalaqantinohu mannu ooso hagiidhitanni heedhanno qae ikkitaraati
Pilaaneetenke uulla heeshshote kalaqamira heeꞌrate lowo geeshsha maltinote. Heeshshote lowonta hasiisannohu gurre gundannikki wayi noose. Uulla haabbino garinna doyitanno gari, hattono noo bayichi wuqiyaanoosete wayi quwa sae qiide kaade ikkannokki gede woy foorare goofannokki gede kaaꞌlannoho. Qoleno uulla gaangeessitino ayyarenna maagineetete wolqa lubbo shitannote arrishshote caangenni agartanno. Uullate aana muꞌronna saada mimmito kaaꞌlitanno garinna mereeronsa noo xaadooshshi maalaꞌlisannoho. Konni baalunkunni kainohunni, lowo manni uullanke kalaqantinohu alaamu heeꞌreenna ikkinota huwatino.—Isayyaasi 45:18 nabbawi.
Ikkirono, ‘Qarrunna bunshe hakko alaami giddo hundanni nooreeti?’ yite xaꞌmattoha ikkara dandaanno.—Marro 32:4, 5 nabbawi.
Maganu uullate hedinori woꞌmanno?
Uulla kalaqantinohu mimmito ayirrisannonna Kalaqaanchonsa baxanno manni hagiidhanni heeꞌranno qae ikkitaraati. Konni daafira, mannu heeshsho muꞌrotenna saadate heeshshonni roorino alaami noote. Ninke mannu ooso Kalaqaanchonke bande afa, isi baxillenna taashshosi maalaꞌlanna akattasi leellisha dandiineemmo.—Mekibibi 12:13; Mikkiyaasi 6:8 nabbawi.
Kalaqaanchinke assate hedinore baalankare assa dandaanno. Konni daafira, uullanke aaninni qarranna taashshote xeꞌne baalanta hoole mannu ooso hagiidhitanni heedhanno base ikkitanno gede assannota dihuluullammeemmo.—Faarso 37:11, 29; Isayyaasi 55:11 nabbawi.