Qullaawu Maxaafi Xaꞌmonna Dawaro
Bunshete kaimu maati?
Yesuusa Bunshe Assanno Gede Xixxiiwinohu Ayeti? —Maatewoosi 4:8-10
Roore wote mannu salaame baxanno, hattono ammanaminohanna shaqqado ikke heeꞌra hasiꞌranno. Ikkina finqille, taashshote xeꞌnenna kaajjillu batiꞌrinohu mayiraatiyya? Waajjishshanno odoo macciishsha rosantinota ikkitino. Isi manna bushare assanno gede xixxiiwanni noohu nookka?—1 Yohaannisi 5:19 nabbawi.
Maganu manna kalaqinohu giddonsa bunshete hedo heedhanno gede asseetini? Deeꞌni, Maganu Yihowa manna baxillesi leellishanno gede asse danisinni kalaqino. (Kalaqo 1:27; Iyyoobi 34:10) Ikkirono, Maganu mannu oosora doodhate qoosso oye ayirrisinonsa. Umi anninkenna amanke bushare assate doodhitu wote, Maganu faale harunsa agurtino daafira guuntete xeꞌne noonsare ikkitu. Ninke insawiinni cubbu dooꞌꞌo ragiꞌnoommo.—Marro 32:4, 5 nabbawi.
Bunshe hegerera heedhannoni?
Maganu busha dooꞌꞌonke gargadhinammora hasiꞌranno. (Lawishsha 27:11) Konni daafira isi bunshetewiinni xeertiꞌneemmo garanna addu hagiirre afiꞌneemmo gara rosiisannonke. Ikkirono, xaa yannara Maganu baxille woꞌmunni woꞌma harunsine dianfeemmo.—Faarso 32:8 nabbawi.
Yannankera bunshe batidhinoha ikkirono, Maganu bunshe abbitanno gawajjo baalunku afara yee mite yanna geeshsha heedhara sammi yiino. (2 Pheexiroosi 3:7-9) Muli yannara kayinni, uullate aana Maganoho hajajamannohu hagiirraamu manni woꞌmanno.—Faarso 37:9-11 nabbawi.