Qullaawu Maxaafi Mayyaanno?

Qullaawu Maxaafi yaaddo dandiite saꞌꞌatto gede kaaꞌlannohe?

Atera ma lawannohe?

• Ee

• Dikaaꞌlannoe

• Kaaꞌlaera dandaanno

Qullaawu Maxaafi mayyaanno?

“Kiꞌnera malannohu isootina, qarrisannoꞌnere baala isi [Maganu] aana tuqqe.” (1 Pheexiroosi 5:7) Qullaawu Maxaafi Maganu yaachishanno coyinni gatatto gede kaaꞌlannoheta kulanno.

Qullaawu Maxaafinni wolere maa ronseemmo?

• Huuccattote widoonni, “Maganu keere” woy salaame afiꞌra dandaatto; tini salaame qolte yaaddo ajishshanno.—Filiphisiyusi Sokka 4:6, 7.

• Maganu Qaale nabbawakkino yaaddo dandiite saꞌꞌatto gede kaaꞌlitannohe.—Maatewoosi 11: 28-30.

Yaaddo baꞌanno yanna dagga ikka?

Mitu manni . . . Yaaddonna dadillu mannu oosora heeshshote kifileeti yaanno; wolu qole yaaddotenni fooolishshiꞌnannihu reyiniro callaati yee hedanno. Atera ma lawannohe?

Qullaawu Maxaafi mayyaanno?

Maganu yaachishannore baala hunanno. “Reyo woy dadillu woy wiꞌla woy shetto kunni kaꞌa diheedhanno.”—Yohaannisi Ajuuja 21:4.

Qullaawu Maxaafinni wolere maa ronseemmo?

• Maganu Mangiste hunda mannu salaamenna harshammo afiꞌre heeꞌranno.—Isayaasi 32:18.

• Albi yaaddonna dadille hambanni.—Isayaasi 65:17.