Hasaawa Jammarranni Gara Leellishanno Lawishsha

Aganunnite Umi Qidaamera Qullaawu Maxaafi Xiinxallo Jammarsiisa

Wolapho 6:3 nabbawi. Hakkiinnino togo yii: “Tini xiqise yitanno garinni, Maganoho suꞌmu noosi yaate. Maganu suꞌma gana hasiissannonkeha lawannohe? [Dawaro qola geeshsha agari.] Hanni tini borro yitannore lai.” Ella 1, Agarooshshu Shae uyittosi gedensaanni, qoola 16⁠te noohu umihu cinaanchu birxichira noo assaawe hasaabbe. Metseetta uyitesi kaꞌe, aantino xaꞌmo hasaawate qaxaro amadi.

Agarooshshu Shae Ella 1

“Hanni mitto hasiisanno coye xaꞌmeemmohe. [Qoola 3 fante, bido bido worroonni assaawe leellishisi.] Qullaawu Maxaafi mayimmare kultannote tenne assaawe giddo atera gara labbannoheti hiitteeti? [Dawaro qola geeshsha agari.] Hanni Qullaawu Maxaafi umisi mayyaannoro lai. [Roomu Sokka 15:4 nabbawi.] Tini borro Qullaawu Maxaafi wole maxaaffanni lowonta baxxinohu ontu korkaati hiikkoyetironna ninkera mayi horo aannonkero kultanno.”

Baqqi Yiiyye! Ella

“Diru dirunku lowo miliyoone ikkanno manni daafantino sagale ite xiwamanno. Qooxeessinkera mannu itanno sagale mageeshshi geeshsha keeraancho labbannohe? [Dawaro qola geeshsha agari.] Tini borro daafantino sagale abbitanno xiwani mininke manna amadannokki gede gargadha dandiineemmota shoole doogga kultanno. Qolteno tini borro muli yanna giddo mannu baalunku keeraancho sagale duuwanno yee Qullaawu Maxaafi aanno hexxo xawissanno.” Faarso 104:14, 15 nabbawi.