Hasaawa Jammarranni Gara Leellishanno Lawishsha

Aganunnite Umi Qidaamera Qullaawu Maxaafi Xiinxallo Jammarsiisa

“Muli diri kawa sokkaanonnire afate hasatto lexxitanni daggino. Ati sokkaano no yite ammanatto? [Dawaro qola geeshsha agari.] Hanni tini borro yitannore lai.” Hakkiinnino Maaja 1⁠nnita Agarooshshu Shae qoola 16 fanteenna umi birxichi hunda noo assaawe nabbabbine mitteenni hasaabbe, qoleno ajayi ajeenna mitte xiqise nabbabbe. Hakkiinnino borro uyitesi aante noo xaꞌmo hasaawate qaxaro amadi.

Agarooshshu Shae Maaja 1

Faarso 65:2 nabbawi. Hakkiinni togo yii: “‘Maganu huuccatto macciishshanno’ yiniro batinyu manni sumuu yaanno, qoleno barru baala huuccatto assiꞌranno. Ikkollana mitootu kayinni, ‘Maganu nooha ikkiro alamete aana togo qarru woꞌminohu mayiraatiyya?’ yite xaꞌmitanno. Aterana maa lawannohe? Huuccattonke macciishshanno Magani nooha lawannohe? [Dawaro qola geeshsha agari.] Tini metseete huuccatto macciishshanno Magani qarru heeꞌrara mayira fajjinoro Qullaawu Maxaafinni dawaro qoltanno.”

Baqqi Yiiyye! Maaja

“Alamenkera noo coyi giddo mitto soorra dandaattoha ikkoommero, hiikkonne soorra hasiꞌratto? [Dawaro qola geeshsha agari.] Qullaawu Maxaafi mannu ooso soorra dandiitannori shiinqiccore calla ikkinohu mayiraatiro kulanno. [Ermiyaasi 10:23 nabbawi.] Tini metseete Maganu maa maa soorrate qaale einoro kultanno.”