Hasaawa Jammarranni Gara Leellishanno Lawishsha

Aganunnite Umi Qidaamera Qullaawu Maxaafi Xiinxallo Jammarsiisa

“Ammaꞌno mannu baxillunninna salaametenni heeꞌranno gede assitinohanso, gibbonna finqille abbitinoha lawannohe? [Dawaro qola geeshsha agari.] Hanni tini borro amaddinota dhaggete assaawe laꞌno.” Muli barra iillitinoꞌneta Agarooshshu Shae uyitesi, qoola 16 noohu umihu cinaanchu birxichira noo assaawe hasaabbe. Hattono noo xiqissa giddo ajayi ajeenna mitte nabbabbe. Metseetta uyitesi kaꞌe, aantino xaꞌmo hasaawate qaxaro amadi.

Agarooshshu Shae Onkoleessa 1

“Duuchu manni ammaꞌno poletiku ledo karsanturo danchaho yaanno, wolu kayinni ammaꞌnonna poletiku horonta xaada dihasiissannonsa yaanno. Atera kuni coyi ma lawannohe? [Dawaro qola geeshsha agari.] Hanni Yesuusi mannu iso yannasira noo poletikira karsamara hasiꞌri yannara ma assinoro lai. [Yohaannisi 6:15 nabbawi.] Tini borro Yesuusi togo assinohu mayiraatironna yannankera Kiristaanu manna duuchunkunni woyyino garinni kaaꞌla dandaannohu hiittoonniitiro kultanno.”

Baqqi Yiiyye! Onkoleessa

“Hasaawinsoommohu rooriidi manni mannu miicinonsa yanna noota kulinonke. Manna miica gattanno yanna daggannoha lawannohe? [Dawaro qola geeshsha agari.] Miico uullate aaninni hunanno Nugusire coyidhannota tenne masaalo lai. [Faarso 72:11-14 nabbawi.] Tini borro Qullaawu Maxaafi albillitte taashsho woꞌmitanno yee coyiꞌrannota kultanno.”