Hasaawa Jammarranni Gara Leellishanno Lawishsha

Aganunnite Umi Qidaamera Qullaawu Maxaafi Xiinxallo Jammarsiisa

“Rooru manni qarrinsara mala afiꞌra hasiꞌranno. Mannu ooso qarra baalanka tirannohu hiittoo gashshoote lawannohe? [Dawaro qola geeshsha agari.] Hanni tini borro yitannore lai.” Bocaasa 1, Agarooshshu Shae uyittosi gedensaanni, qoola 16⁠te noohu umihu cinaanchu birxichira noo assaawe hasaabbe; hattono ajayi ajeenna mitte xiqise nabbabbine hasaabbe. Metseetta uyitesi kaꞌe, aantino xaꞌmo hasaawate qaxaro amadi.

Agarooshshu Shae Bocaasa 1

“Hanni mitte xaꞌmo xaꞌmineemmohe. Magano mitte xaꞌmo xaꞌmatto faro afiꞌroottoro, mayite xaꞌmatto? [Dawaro qola geeshsha agari.] Yesuusi yiinonte gede, hasiissanno xaꞌmonkera dawaro hasiꞌra hasiissannonke. [Maatewoosi 7:7 nabbawi.] Tini metseete tenne sase hasiissanno xaꞌmora Qullaawu Maxaafinni dawaro qoltanno.” Sayikki  qoolira hundaanni noo xaꞌmuwa leellishisi.

Baqqi Yiiyye! Bocaasa

“Techo maatennire hasaambanni heeꞌnoommo. Annu woyi ama calla noo maate yannankera haammattanni hadhino. Togoo maatera iillanno qarri annunna ama noo maatera iillannohunni roorannoha lawannohe? [Dawaro qola geeshsha agari.] Lowo annuwinna amuwi Qullaawu Maxaafi giddonni dancha amaale afiꞌrino. [2 Ximootewosi 3:16 nabbawi.] Tini metseete, ooso annu woyi ama nookkiha lossidhanno minaama woyi minaanna kaaꞌlitanno assaawe kultanno.”