Hasaawa Jammarranni Gara Leellishanno Lawishsha

Aganunnite Umi Qidaamera Qullaawu Maxaafi Xiinxallo Jammarsiisa

“Hanni mitte xaꞌmo xaꞌmineemmohe. Maganu suꞌmi aye lawannohe? [Dawaro qola geeshsha agari.] Hanni tini borro yitannore lai.” Arfaasa 1, Agarooshshu Shae uyittosi gedensaanni, jeefote qoolira noo birxicho leellishisi; hakkiinnino umihu cinaanchu birxichira noo assaawe hasaabbe, hattono ajayi ajeenna mitte xiqise nabbawisi. Metseetta uyitesi kaꞌe, aante noo xaꞌmo hasaawate qaxaro amadi.

Agarooshshu Shae Arfaasa 1

“Duuchu manni alamete goofimarchire hasaawanni keeshshino. Alamete goofimarcho waajja hasiissannonkeha lawannohe? [Dawaro qola geeshsha agari.] Tini xiqise yitanno garinni, hakko barra gatanno manni no. [1 Yohaannisi 2:17 nabbawi.] Tini borro alamete goofimarcho lainohunni duuchu manni xaꞌmannote shoole xaꞌmora dawaro qoltanno.”

Baqqi Yiiyye! Arfaasa

“Maatete lowo geeshsha xaqqantanno assaawe mannaho kullanni heeꞌnoommo. Maate tenne Yesuusi uyino amaale harunsituro xiqime afidhannoha lawannohe? [Hawaariyaatete Looso 20:35⁠b nabbawi. Hakkiinnino dawaro qola geeshsha agari.] Umonsa baxanno manni woꞌmino alame giddo, qaaqquulle mannaho shaqqadda ikkitanno gede asse lossiꞌra qallaale diꞌꞌikkitino. Tini borro amanna annu qaaqquullensa shaqqadda ikkanno gede asse lossiꞌra dandaannohu hiittoonniitiro xawisse kultanno.”