Agarooshshu Shaera Fulannoha Haaro Birxicho

Mittu mittunku aganite umi Qidaamera Qullaawu Maxaafi xiinxallo jammarsiisate, Agarooshshu Shaera fulannoha “Maganu Qaale Rosi” yaanno birxicho horoonsiꞌnanni keeshshinoommo. Arfaasu aganinni jammare kuni birxichi gateenna, “Qullaawu Maxaafi Xaꞌmonna Dawaro” yaannohu wolu birxichi ellanni metseetera jeefote qoolira fulanno. “Qullaawu Maxaafi Xaꞌmonna Dawaro” yaanno birxicho, “Maganu Qaale Rosi” yaanno birxicho horoonsiꞌneemmo garinni soqqanshote horoonsiꞌneemmo. (km 12/10 qoola 2) Bashshonte gede, aganunnite umi Qidaamera horoonsiꞌneemmohu hasaawa jammarranni gara leellishanno lawishshi Maganu Mangiste Soqqanshonkera fulanno.