Qaagooshshu Ayyaanira Manna Koyisate Zamacha Badheessa 1⁠nni Jammarreemmo

1. Qaagooshshu ayyaanira manna koyisa jammarreemmohu mamooteeti? Tayixe zamachi saꞌu dirranni roore yanna keeshshannohu mayiraati?

¹ Diru dirunku manna qaagooshshu ayyaanira ledonke gamba yaara koyinseemmo zamacha, tayixe Badheessa 1⁠nni Arbe jammarreemmo. Qaagooshshu ayyaana Badheessa 26⁠nni ayirrinseemmo; konni daafira manna koyinseemmo zamachi saꞌu dirranni roore yanna keeshshanno yaate. Tini qolte bashshonni roorino manna koyisate, hakko iso halaꞌlado killile afidhino songuwa hunda nooha lowo manna koyisate dancha faro fantanno.

2. Koyishshu woraqata adhatenna killilenke loonse gudate mayi qixxaawo assinoonni?

² Darajjaꞌinoonnire Ikke: Cimeeyye songo killile ma garinni loosse guda dandiitannoro biddishsha uyitanno; lawishshaho mine hoongeemmo mannira koyishshu woraqata worre haꞌra dandiineemmoronna teꞌee kultannonke. Minunni mine soqqamme killile gundeennano koyishshu woraqati gatannonkeha ikkiro, doogote woyi wole hasiissanno basera koyisa dandiineemmo. Soqqanshote aliidi laꞌꞌaanchi halashshaano adhitanno gede koyishshu woraqata metseettanna wole borronke worranni basera worroonnita buuxa hasiissannosi; ikkollana koyishshu woraqata gudinse mitteenni wora dihasiissanno. Koyishshu woraqata mitte hinge mitte saammintera ikkannoha calla adha hasiissannonke.

3. Koyishshu woraqata mannaho tuqinseemmo wote wodanaho wodha hasiissannonke coyi maati?

³ Koyisate Mayyaa Dandiineemmo? Lowo manna koyisa dandiineemmo gede haranchore calla coyiꞌra woyyate. Qoola 4 aana noota hasaawa jammarate kaaꞌlitanno assaawe killilenke garinni biddi assa dandiineemmo. Qaete anni ninke ledo taxxi yaa hasiꞌre heeꞌreenna woyi xaꞌmo heedhusiro wiiname agure haꞌra kayinni dihasiissannonke. Koyishshu woraqata qidaamenna sambata tuqinseemmoha ikkiro, hasiisanno wote metseettano ela dandiineemmo. Badheessa 2⁠nni Qidaamete barra Qullaawu Maxaafi xiinxallo jammarsiisantenni, koyishshu woraqata tuqisa roorsineemmo.

4. Zamachu yannara diinaggaambe soqqama hasiissannonkehu mayiraati?

⁴ Qaagooshshu ayyaanira lowo manni ninke ledo gamba yaanno yine hexxineemmo. Hakkawote shiqqanno nigiggire Yesuusi addinta ayetiro xawissanno. (1 Qor. 11:26) Qolteno isi reyo kaaꞌlitannonkehu hiittoonniitiro kultanno. (Rom. 6:23) Iso qaaga hasiissannonkehu mayiraatirono seekkine xawinsanni. (Yoh. 17:3) Konni daafira baalunku zamachu yannara diinaggaambe soqqammo!