Qaagooshshu Ayyaanira Manna Koyisate Badheessa 22 nni Zamacha Jammarreemmo
Tayixe Qaagooshshu ayyaanira manna koyisate zamacha jammarreemmohu Badheessa 22nni Qidaamete barraati. Baalunku konni zamachi yannara diinaggaabbine soqqantinanni gede jawaachinsheemmoꞌne. Qidaamenna Sambata hasiisanno yannara metseettano ela dandiineemmo. Dotteessu aganite umi Qidaamera Qullaawu Maxaafi xiinxallo jammarsiisantenni koyishshu woraqata tuqisate aana illachinsheemmo. Lowo hasatto noonsa manninni xaandummoro kayinni Qullaawu Maxaafi xiinxallo jammarsiisate woꞌnaala diagurreemmo. Soqqanshote aliidi laꞌꞌaanchi songo batinyu mannira koyishshu woraqata tuqisate gudumaaleho soqqama woyyitannoronna teꞌee wossana dandaanno. Fiixaꞌne, ledoꞌne loossannore, ledoꞌne rossannore, konni albaanni hasaawissinoonnirenna koyisate heddinoonniha wole egentinoonni manna xaanni borreessitine amaddine, zamachu jammaranno wote koyishshu woraqata uyiyyensa. Yihowahanna Yesuusiha bayira baxille leellishshannoteha Yesuusi reyo Qaagooshshi ayyaana ayirrinseemmo wote, lowo manni ledonke gamba yaanno yine hexxineemmo.—Yoh. 3:16; 15:13.