Xiinxallissinanni Wote Viidiyonke Horoonsidhe

Yihowa Abirahaamiranna Ermiyaasira hasiisanno coye kuli yannara, afuunni calla kulinoha ikkikkinni illete leellannoreno horoonsiꞌrino. (Kal. 15:5; Erm. 18:1-6) Qullaawa Maxaafa xiinxallinseemmo manni halaale huwatannonna kaffi asse laꞌꞌanno gede kaaꞌlate, illete leellannore, lawishshaho viidiyonke horoonsiꞌra dandiineemmo. Viidiyonke giddo mite hiittoo wote horoonsiꞌra dandiinanniro aanchine xawinsoonni (Woroonni noota baalanta viidiyo Ingilizete afiinni afiꞌra dandiinanni). Xiinxallinseemmo manni addi addiha ikkino daafira, tenne assaawe biddishshu gede assine harunsa dihasiissanno.

Qullaawu Maxaafi Roso yinanni maxaafa

◻ Fooliishsho 1: 17⁠^ki gufo gedensaanni, Maganunniti Dhaggete Kalaqo Ayirrinyesi Leellishshanno yitannota leellishshe

◻ Fooliishsho 2 gooffanno wote: Qullaawa Maxaafa—Lowo Diro Keeshshinoha Yannankera Kaaꞌlanno Maxaafa yitannota leellishshe

◻ Fooliishsho 9: 14⁠^ki gufo gedensaanni, Dancha Duduwo Duduwate Darajjaꞌinore Yihowa Farciꞌraasine yitannota leellishshe

◻ Fooliishsho 14 gooffanno wote: Qullaawu Maxaafi Heeshshokki Woyyeessate Wolqa Afiꞌrino yitannota leellishshe

◻ Fooliishsho 15: 10⁠^ki gufo gedensaanni, Alamete Doyichoha Roduuwu Maamaranke yitannota leellishshe

“Maganu Baxille” yaanno maxaafa

◻ Fooliishsho 3: 15⁠^ki gufo gedensaanni, Wedellu Xaꞌmanno Xaꞌmo—Addu Jaala Afiꞌra Dandeemmohu Hiittoonniiti? yitannota leellishshe

◻ Fooliishsho 4 gooffanno wote: Yihowa Silxaane Ayirrisse yitannota leellishshe

◻ Fooliishsho 7: 12⁠^ki gufo gedensaanni, Mundee Uyinoonkeꞌꞌe—Hikkiminnu Mala Abbino yitannota leellishshe

◻ Fooliishsho 9: 6⁠^ki gufo gedensaanni, Busha Doogo Qorophineemmo Gede Rosiissanno Lawishshuwa yitannota leellishshe

◻ Fooliishsho 17 gooffanno wote: ‘Laꞌinanni Coyinni Ikkikkinni Ammanatenni Heedhe’ yitannota leellishshe

Xiinxallissinanni mannira leellishshineenna kaaꞌlitara dandiitannoti wole qulli yitannoꞌne viidiyo no? Lawishshaho taqaawwamanno manni qarrisannosi manchi, Fatanu Yannara Ammanantinore Ikkitino—Yihowa Farciꞌraasine Sooviyeti Yuneenete Yannara woy Yihowa Farciꞌraasine Naazi Gadadisinsa Yannara Milli Miliqqi Diyitino yitanno viidiyo lairo jawaatara dandaanno. Wedellootu qolte, Maganu Ayirranno Gede Assitanno Mixo Harunse woy Wedellu Xaꞌmanno Xaꞌmo—Heeshshoꞌyanni Ma Assummoro Woyyanno? yitanno viidiyo laꞌuro horo afidhara dandiitanno. Xiinxallissinanni manchira viidiyo leellisha woy argissineennasi laꞌꞌanno gede assa dandiitinanni yanna qaagginanni gede, Qullaawu Maxaafi Roso nna “Maganu Baxille” yinanni maxaafiꞌne aana malaatisidhe. Wole haaro viidiyo fultanno wote, hatte viidiyo xiinxallissinanni manni wodana kakkayisate horoonsiꞌra dandiitinanni gara hedde.—Luq. 24:32.