Qullaawu Maxaafi Rosaanoꞌne Rosiisate Viidiyo Horoonsidhe

Illete leellannori laꞌꞌanno manchi quqquxame laꞌꞌanno gede, rosinore wodanchannonna qaaganno gede kaaꞌlanno. Bayiru rosiisaanchinke Yihowa lowo geeshsha hasiisanno roso rosiisate, illete leellannore horoonsiꞌrino. (Ka 15:5; Er 18:1-6) Yesuusino illete leellannore horoonsiꞌre rosiisino. (Mt 18:2-6; 22:19-21) Lowo geeshsha kaaꞌlannohu illete leellannori giddo muli yannanni kayinse horoonsiꞌnanni heeꞌnoommoti mitte viidiyote. Qullaawu Maxaafi rosaanoꞌne rosiissinanni woyite viidiyo horoonsidhinanni heedhinoonni?

Maganuwiinni Dayinoha Dancha Duduwo! yitanno biroshere rosiisate kaaꞌlitannota tonne viidiyo qixxeessinoonni. Mitte mittente viidiyo suꞌmi birosherete giddo duꞌminse borreessinoonni xaꞌmo ledo xaadannoho. Tenne biroshere jw.org aana horoonsiꞌnanniha ikkiro mitte mittenta viidiyo mamoote leellinshanniro qaagate kaaꞌlitanno linke no. Qoleno, addi addite Rosiisate Horoonsiꞌneemmo Borro ledo horoonsiꞌneemmo gede qixxeessinoonniti wole viidiyubbano no.

Rosaanoꞌne ledo huwatate qarrissinonsata Qullaawu Maxaafi hedo kayissine hasaabbinanninso rosaanchiꞌne leella giwinosi coyi ledo sharramanni no? Iso kaaꞌlitasira dandiitanno viidiyubba jw.org® nna JW Biroodikaastete giddonni hasse. Qullaawa Maxaafa rosiisattohu ledo viidiyo laꞌꞌanna ise daafira hasaawa dandaatto.

Aganu kiiro haaro viidiyubba fultanno. Kuri viidiyubba laꞌinanni woyite woloota rosiisate horoonsiꞌra dandiitinannihu hiittoonniitiro hedde.