Ledokki Soqqantanno Gede Koyisa Dandaatto?

Batinye songo giddo ordu fayyimma hoonginni woy diru akkallenni kainohunni, gari geeshsha soqqama dandiitannokki halashshaano no. (2 Qor. 4:16) Manna Qullaawa Maxaafa xiinxallisatto wote ledokki xiinxallissanno gede togoo roduuwa koyisa dandaatto? Koyisattora hedootto halashshaanchi mininni fule afannokkiha ikkiro, insate marte xiinxallisa dandaattoha ikkara dandaanno. Xiwanu gajaajjishanni qarrisannoha mitto halashshaancho killilete giddo boode minna ledokki haꞌre soqqamanno gede woy mitto woy lame mancho galagalte marte hasaawisatto wote ledokki haꞌranno gede koyisa dandaatto? Batinyu jajjabbu roduuwi soqqanshote lowo temokkiro afidhino. Konni daafira, insa kaaꞌlate assattori insa calla jawaachishannoha diꞌꞌikkino. Aterano xaqqamannohe. (Rom. 1:12) Hakkiinni saeno, konni garinni baxillekki leellishakkinni Yihowa atoote afiꞌratto.—Law. 19:17; 1 Yoh. 3:17, 18.