Lawishsha Ikkannoha Hasaawu Bitima

Aganunnite Umi Qidaamera Qullaawu Maxaafi Xiinxallo Jammarsiisa

“Dotteessa 6⁠nni ayirrinseemmohu mittu baxxino ayyaanira manna koyinsanni haꞌnanni heeꞌnoommo. Hakku ayyaani Yesuusi reyo qaagate ayirrinsanniho. Mitu manni konne ayyaana ayirrisannohu Yesuusi reyo lowore assitanno yeeti. Mitu kayinni isi reyo mayi kaaꞌlo afidhinoro dibuuxino. Yesuusi reyo mannu oosora kaaꞌlitannori nooha lawannohe?” Dawaro qola geeshsha agari. Badheessa 1⁠nnite Agarooshshu Shaera badhiidi qoolira noo birxicho leellishittosihu gedensaanni, umi xaꞌmo hunda noo assaawenna ajayi ajeenna mitte xiqise nabbabbeenna hasaabbe. Metseetta uyitesi kaꞌe, aante noo xaꞌmo hasaawate dinye amadi.

Agarooshshu Shae Badheessa 1

“Duuchu manni Maganu alamete aana noo hanaaqonna qarra hoolannokkihu mayiraati yee hedanno. Maganu togoore hoolinokkihu mannu qarri xiwannosikki daafiraatinso mannaho qarru hasiisanno yeeti? Ati tennera mayyaatto? [Dawaro qola geeshsha agari. Hakkiinnino Yohaannisi 3:16 nabbawi.] Duuchu manni Maganu baxille kulate tenne xiqise qummi assannoha ikkirono, Maganu Beetti reyo kaaꞌlitannonsahu hiittoonniitiro kayinni bade diafino. Tini metseete Yesuusi reyo alamete aana noo hanaaqonna qarra huntannohu ma garinniitiro xawissanno.”

Baqqi Yiiyye! Badheessa

“Batinyu manni tenne Qullaawu Maxaafi xiqise garimale huwatinota anfoommo daafira, techo kawaange dange isere hasaambanni heeꞌnoommo. [Kalaqo 1:1 nabbawi.] Mitu manni kalqete alame dagginohu kalaqanteeti yee ammananno, mitu kayinni tenne diammananno. Tini atera ma labbannohe? [Dawaro qola geeshsha agari.] Lowo manni kalqete alame kalaqantino yee ammanannokkihu, ammaꞌnote marooti Qullaawu Maxaafi yaannokkire rosiissanno daafiraati. Tini borro kalqete alamere kultannota ammansiissannota Qullaawu Maxaafi assaawe amaddino.”