Lawishsha Ikkannoha Hasaawu Bitima

Aganunnite Umi Qidaamera Qullaawu Maxaafi Xiinxallo Jammarsiisa

“Duuchu manni sokkaano noota ammananno. Atino ammanatto? [Dawaro qola geeshsha agari.] Sokkaano ayyaanu kalaqo ikkitino daafira wolqaataammaho; ikkina insa ninke kaaꞌlitannonkeha lawannohe? Qullaawu Maxaafi sokkaano yannankera manna kaaꞌlitanno gara kulannonke.” Wocawaaro 1, Agarooshshu Shaera badhiidi qoolira noo birxicho leellishittosihu gedensaanni, umi xaꞌmonna hakko noo xiqisubba giddo ajayi ajeenna mitte nabbabbine hasaabbe. Metseetta uyitesi kaꞌe, aantanno xaꞌmo hasaawate dinye amadi.

Agarooshshu Shae Wocawaaro 1

“Mannu ooso uulla higgeno woyyaabbannokki garinni huntannoha lawannohe? [Dawaro qola geeshsha agari.] Mannu ooso uullate aana abbitino gawajjo dhaawa dandiitannokkiha ikkirono, Qullaawu Maxaafi Maganu dhaawa dandaannotanna hatto assa hasiꞌrannota kulannonke. Faarso 65:9 tenne huwanteemmo gede kaaꞌlitannonke. [Xiqise nabbawi.] Tini Agarooshshu Shae Maganu uulla towaatanno garanna ise aana hegere atoote afiꞌneemmo gara kultanno. Nabbawatto gede oohe?”

Baqqi Yiiyye! Wocawaaro

“Batinyu qaxarame loosanno manni quwa saꞌne loosiinsanninsa daafira loosunni uffi qocci yaanno. Loosu batinyi wolqa gude quubbi assaranna tini qolte mannimmanna simmeete gawajjitara dandiitannota fullahaano coyidhanno. Mittu manchi quwa saꞌinokki heeshsho heeꞌranno gede kaaꞌlannori maati yaatto? [Dawaro qola geeshsha agari.] Qullaawu Maxaafi tennera lowonta kaaꞌlitanno amaale aanno. [Mekibibi 4:6 nabbawi.] Tini metseete heeshshonke giddo maa balaxisiinseemmo coyibbanna loosu batinyi abbanno gawajjo hooꞌla lainohunni shoole kaaꞌlitanno doogga kultanno.”