Hasaawa Jammarranni Gara Leellishanno Lawishsha

Aganunnite Umi Qidaamera Qullaawu Maxaafi Xiinxallo Jammarsiisa

“Lowo manni barrunni mitto barra Maganu loosinsa garinni faradannonsata ammananno. Ate hedora Firdete Barri daara halchinannihonso, yaachishannoho? [Dawaro qola geeshsha agari.] Hanni tini borro yitannore lai.” Wocawaaro 1 Agarooshshu Shae uyiteennasi, qoola 16 noohu umihu cinaanchu birxichi hunda noo assaawe hasaabbe; hattono xiqissate giddo ajayi ajeenna mitte nabbabbe. Metseetta uyitesi kaꞌe, aantino xaꞌmo hasaawate qaxaro amadi.

Agarooshshu Shae Wocawaaro 1

“Batinye gobbara meyaati lowo geeshsha baddalantanno. Baddalantanno gede assinori giddo mitte ammaꞌnote; tini dadillissannote. Maganu isi meyaatera assaawannoha lawannohe? [Dawaro qola geeshsha agari.] Hanni Qullaawu Maxaafi minaanni minaamasi hiittoonni gashshiꞌrona yaannoro lai. [Efesooni 5:28, 29 nabbawi.] Tini borro Maganu meyaata ma garinni laꞌꞌannoro xawissanno.”

Baqqi Yiiyye! Wocawaaro

“Lowo manni, lubbote noori baalunkuri barrunni mitto barra niyukileerete olinni woyi kalaqamu danonni uullate aaninni goofanno yaanno. Togoo goofo daggannoha lawannohenso, mulla haaqe lawannohe? [Dawaro qola geeshsha agari.] Hanni Qullaawu Maxaafi kulannota sheshifachishshanno hexxo lai. [Faarso 37:29 nabbawi.] Tini borro roore wote mannu dagganno yaanno goofonna Qullaawu Maxaafi albillittete yannare mayyaannoro heewisiisse kultanno.”