Lawishsha Ikkannoha Hasaawu Bitima

Aganunnite Umi Qidaamera Qullaawu Maxaafi Xiinxallo Jammarsiisa

“Mitte maatete kaaꞌlitanno hajo kayinse mannu ledo hasaambanni heeꞌnoommo. Batinyu manni oosonsa Magano baxxara hasiꞌranno. Ikkina, oosonsa Magano baxxanno gede rosiissannori annahonna amatenso, ooso uminsa rosa hasiissannonsa?” Dawaro qola geeshsha agari. Sadaasa 1nnite Agarooshshu Shaera badhiidi qoolira noo birxicho leellishittosihu gedensaanni, umi xaꞌmo hunda noo assaawenna ajayi ajeenna mitte xiqise nabbabbine hasaabbe. Metseetta uyitesi kaꞌe, aante noo xaꞌmo hasaawate dinye amadi.

Agarooshshu Shae Sadaasa 1

“Koye mannu ledo Maganunnire kayinse hasaambanni heeꞌnoommo. Afittonte gede mannu Maganu daafira babbaxxinore yaanno. Duuchu manni Magano illete leeltannokki wolqa gede asse hedannoha lawannohenso insa daafira assaawanno jaalinsa gede asse laꞌꞌannoha lawannohe? [Dawaro qole geeshsha agari.] Tini xiqise Maganu isi ledo hiittoo fiixooma kalaqiꞌnammora hasiꞌrannoro kultanonke. [Yaaqoobi 4:8a nabbawi.] Tini metseete Maganu ledo dancha fiixooma kalaqiꞌrate kaaꞌlannonkeha sase coye xawissanno.”

Baqqi Yiiyye! Sadaasa

“Techo qooxeessinke manni ledo duucha manna waaddannota fayyimmate hajo kayinse hasaambanni heeꞌnoommo. Alamenniti Fayyimmate Uurrinsha xawissino garinni, alamete aana shoolu manni giddo mittu cinqatete xibbinni amadamanno. Ikkina, surrete xibbi yannankera lexxanni dayinoha lawannohe? [Dawaro qola geeshsha agari.] Qullaawu Maxaafi albillitte dancha hexxo noota kulannonke; uullate aana xibbunna shetto heedhannokki yanna dagganno. [Ajuuja 21:3, 4 nabbawi.] Tini metseete surrete xibba lainohunni baalunku afa hasiissannonke hajo xawissanno.”