Hasaawa Jammarranni Gara Leellishanno Lawishsha
Aganunnite Umi Qidaamera Qullaawu Maxaafi Xiinxallo Jammarsiisa
“Diru giddo tenne taaera duuchu manni Yesuusire qaaganno. Yesuusi assinori giddo ati kaffi assite laꞌꞌattori maati? [Dawaro qola geeshsha agari.] Hanni tini borro yitannore lai.” Sadaasa 1, Agarooshshu Shae uyittosi gedensaanni, qoola 16te noori cinaancho birxichuwa giddo mittoho noo assaawe hasaabbe; hattono ajayi ajeenna mitte xiqise nabbabbe. Metseetta uyitesi kaꞌe, aantino xaꞌmo hasaawate qaxaro amadi.
Agarooshshu Shae Sadaasa 1
“Anfummonte gede tenne taaera duuchu manni Gannu ayyaana ayirrisanno. Kuriuu giddo mannu konne ayyaana ayirrisanno wote lowo geeshsha illacha tugannohu hiittee hedo aana lawannohe? [Qoola 3 fante leellishshanni dawaro qola geeshsha agari. Hakkiinnino, hasaawisatto manchi doorino naxiwe xawinsoonni qoola fante, cuꞌmote xiqise nabbawi.] Tenne metseetera noo assaawe Yesuusa Gannu ayyaani yannara calla ikkikkinni diro woꞌma qaaga dandiineemmohu hiittoonniitiro kultannonke.”
Baqqi Yiiyye! Sadaasa
“Yannankera lowo manni cannaqamannonna coqqonamanno. Tini manna mulenni hanqannohanna cincannokkiha ikkanno gede assitinoha dilawannohe? [Dawaro qola geeshsha agari.] Mitu manni xa heeꞌneemmohu 2 Ximootewosi 3:1 masaalloonninte gede cannaqisiissanno yanna giddooti yee ammananno. [Xiqise nabbawi] Tini metseete cinca hooga mageeshsha gawajjitannoronna cinca dandiineemmohu hiittoonniitiro kultanno.”