Lawishsha Ikkannoha Hasaawu Bitima

Agarooshshu Shae Birra 1

“Qooxeessinke manni baalaho tenne lowo geeshsha baxissannota Agarooshshu Shae leellinshanni heeꞌnoommo. [Aaniidi qoola leellishi.] Mitu manni huuccatto assiꞌra mulla yanna hunate yee hedanno, qoleno macciishshannohu dino yaanno. Wolu manni kayinni Maganu huuccattonke macciishshanno yee ammananno. Atera maa lawannohe? [Dawaro qola geeshsha agari.] Qullaawu Maxaafi huuccattote daafira yaannore lai. [Isayyaasi 30:19 nabbawi.] Tini metseete Maganu garunninna hasiisanno coyira huucciꞌnanni huuccatto macciishshe dawaro qolannota xawissanno.”

Baqqi Yiiyye! Birra

“Lowo manni Maganu qarrunna shetto heedhara fajjinohu mayiraati yee hedanno; qooxeessinke manni ledo tenne kayinse hasaambanni haꞌnanni heeꞌnoommo. Atera togo yee xaꞌma Magano ayirrisa hooga labbannohe? [Dawaro qola geeshsha agari.] Keeraanchu manchi Iyyoobi Magano xaꞌma hasiꞌrannota coyiꞌrino. [Iyyoobi 23:3-5 nabbawi.] Tini metseete lowo manni Magano afe xaꞌma dandaannoha ikkoommero xaꞌma hasiꞌrannota sase xaꞌmo amaddino qoleno tenne xaꞌmuwara Qullaawu Maxaafi qolannota duushshitanno dawaro amaddino.”