Hasaawa Hanafate Kaaꞌlannoha Haaro Birxicho

Arfaasa 2016nni kayise, mannaho ellannite Agarooshshu Shaehu badhiidi qoolira, “Qullaawu Maxaafi Mayyaanno?” yaanno birxichi fula hanafino. Kuni haaru birxichi Qullaawu Maxaafire mannu ledo hasaambeemmo gede ninke kaaꞌlate qixxeessinoonniho. Konne birxicho qixxeessinannihu tiraaktuwanke qixxeessinoonni garinniiti. Mitte hasaawa hanafate kaaꞌlitanno xaꞌmonni aante Qullaawu Maxaafi dawaronna hasaawaho kaaꞌlitannoti ledote hedo no.

Qullaawa Borrore kayinse dancha gede hasaawa roore wote Qullaawu Maxaafi xiinxallo hanafisiisate kaaꞌlitanno. Konne haaro birxicho ayyaanaamittetenni hudiꞌrinoha lowo manna kassi assate horoonsidhe.—Mt 5:6.

HAARO QIXXAAWO HOROONSIꞌNANNI GARA:

1. Xaꞌmuwate giddo mitte kayisse minu annira noosi lao xaꞌmi

2. Macciishshi, hattono qolanno dawaro macciishshoottota leellishi

3. “Qullaawu Maxaafi Mayyaanno?” yaanno birxichi hunda noo qummeeshsha nabbawi; hakkiinnino qummeeshshu daafira hedosi coyiꞌranno gede xaꞌmi. Muddamannokkiha ikkiro, “Qullaawu Maxaafinni Wolere Maa Ronseemmo?” yaannohu cinaanchu birxichi hunda noo hedo horoonsidhe ledde hasaawisi

4. Metseete eli

5. Wole wote xaaddine layinki xaꞌmo hasaawate dinye amadi