Tiraaktuwa Horoonsiꞌne Hasaawa Hananfanni Gara

Arfaasa 2018nni kayise, Kiristaanu Heeshshonna Soqqansho Xiinxallote Maxaafichora aaniidi qoolira lawishsha ikkanno hasaawi fulanni no. Borro calla elantenni mannu ledo hasaawate aana illachinsheemmo gede jawaachinshoonninke. Halashshaano Qullaawa Maxaafa calla horoonsidhe hasaawa hanafa dandiitanno gede kaaꞌlate, lawishsha ikkanno hasaawi viidiyotenni shiqanno. Hatto yaa kayinni, minunni mine haꞌne sabbankeemmo woyite, borro dihoroonsiꞌneemmo yaateni? Deeꞌni! Lawishshaho tiraaktuwa hasaawa hanafate lowo geeshsha kaaꞌlitanno. Baalanta tiraaktuwa horoonsiꞌneemmo woyite aante noo hayyo horoonsiꞌra dandiineemmo:

1. Tiraaktete aaniidi qoolira noota doorsha afidhino xaꞌmo xaꞌmi.

2. Tiraaktete layinki qoolira umo noota Qullaawu Maxaafi qolino dawaro leellishi. Yanna assituhero, tiraaktete giddoyidi qoolira noota mite hedo nabbabbine hasaabbe.

3. Qaete annira tiraakte uyi, hattono tiraaktete giddo noota gattino hedo nabbawanno gede jawaachishi.

4. Haꞌrattora albaanni, “Hanni Konne Coye Hedi” yaannohu hunda noo xaꞌmo leellishshe Qullaawu Maxaafi qolino dawaro hasaawate dinye amadi.

Galagalte maratto woyite, hattenne xaꞌmo hasaabbe hattono wole woyite hasaabbinanni xaꞌmo xaꞌmi. Webisayitenke aaninni woy tiraaktete badhiidi qoolira kulloonni borro giddonni hasaabbinanni xaꞌmo doora dandaatto. Injiitanno yanna doorte, Maganuwiinni Dayinoha Dancha Duduwo! yitanno biroshere woy Rosiisate Horoonsiꞌneemmo Borro giddonni wole xiinxallisate horoonsiꞌneemmo borro egensiisi.