KIRISTAANU HEESHSHORA
Soqqanshonke Isilanchimma Woyyeessiꞌra Hasatto Noonsare Gambooshshe Dagganno Gede Koyisa
HASIISSANNOHU MAYIRAATI? Gambooshshu woꞌmanka wote Yihowara ‘faarsiꞌnanninna iso galaxxinanni’ gede kaaꞌlanno. (Fa 149:1) Gambooshshunniwa Maganu fajjo maatiro ronseemmo. (Fa 143:10) Hasatto noonsarinna Qullaawu Maxaafi rosaano gambooshshe daa hanaffuro ayyaanaamittetenni roore lophitanno.
TENNE ASSA DANDIINANNI GARA:
Hasatto noonsare dandaami deerrinni bayichonko koyisse. Gambooshsheho koyisate, mittu manchi Qullaawa Maxaafa biddiitto xiinxalla geeshsha agara dihasiissannonke.—Aj 22:17
Hasatto noosi manchira gambooshshunniwa assinannirenna ronsannire kullesi. Songote gambooshshihu koyishshu woraqati, Mangistete Addaraashenkera Maa Maa Assinanni? yitanno viidiyonna, Yihowa Fajjo yitanno biroshere roso 5 nna 7 tennera kaaꞌlitannoꞌne
Mitore assitine kaaꞌlesi. Hasatto noosi manchi gambooshshe haꞌrate kiꞌne kaaꞌlo hasiissannosiho? Lawishshaho, gara ikkitino uddano uddiꞌranno gede kulle kaaꞌla dandiinanni. Gambooshshu yannara ledosi ofolle; hattono borro fantine leellishshesi. Roduuwu ledo egennamanno gede asse.